23 ივლისს Starring Georgia-ს ფარგლებში ჯასტინ ტიმბერლეიკის კონცერტი გაიმართა. პოპვარსკვლავი ქართველი მსმენელის წინაშე „დინამო არენაზე” წარდგა. შოუდან რამდენიმე დღის შემდეგ, 27 ივლისს, მუსიკოსმა სოციალურ ქსელში საქართველოში ჩატარებული კონცერტის ამსახველი ვიდეო გამოაქვეყნა. „საქართველო! კარგი იყო!” – წერს მომღერალი პოსტის აღწერაში.
ჯასტინ ტიმბერლეიკის წარმატებული კარიერა უკვე 30 წელს ითვლის. მისი შემოქმედება ჯგუფ NSYNC-თან ერთად დაიწყო. 2002 წლიდან კი მუსიკოსი უკვე სოლო კარიერას განაგრძობს, რომელიც ამ დრომდე 117 მილიონზე მეტ გაყიდულ ჩანაწერს ითვლის. ტიმბერლეიკს მიღებული აქვს „ემის” 4 და გრემის 10 ჯილდო.
