ორი კვირის წინ ტეილორ სვიფტი და ტრევის კელსი Kansas City Chiefs-ის ტაიტ ენდის პოდკასტ New Heights-ში გამოჩნდნენ.
24 აგვისტოს ESPN-ის ახალი, ექვსნაწილიანი სერიის, The Kingdom-ის პრემიერა გაიმართა. დოკუმენტური სერია Chiefs-ის Super Bowl-ის სამმაგ გამარჯვებას ეხება, სადაც ჟურნალმა People ტრევის კელსის მამას, ედ კელსის ტრევისისა და პოპვარსკვლავის ურთიერთობის შესახებ ჰკითხა.
როცა ჟურნალისტმა ედ კელსის ტრევისის ბედნიერების წყაროს დასახელება სთხოვა, ედ კელსიმ დაუფიქრებლად უპასუხა – „ტეილორი, სავარაუდო პასუხიც კი არ არსებობს. ეს ნამდვილად ის წყვილია, ვისაც ერთმანეთი ძალიან უყვარს და ეს აშკარაა.”
კვირას გამართულ პრემიერაზე People-მა ტრევისის დედასთან, დონა კელსთანაც ისაუბრა. მან ტრევისისა და ტეილორის პოდკასტში New Heights-ის სტუმრობა დადებითად შეაფასა. „ვფიქრობ, ეს იყო ყველასთვის სასიამოვნო სანახავი და სიყვარულით სავსე პოდკასტი.” – თქვა დონა კელსიმ.
ტეილორ სვიფტისა და ტრევის კელსის ურთიერთობას ოფიციალური სახე 2023 წლის ოქტომბერში მიეცა, მას შემდეგ წყვილი ერთმანეთისთვის მნიშვნელოვანი მოვლენების განუყოფელი თანამონაწილეები არიან. ტრევისი ტეილორ სვიფტის Eras Tour-ის არაერთ კონცერტს დაესწრო, ტეილორი კი ათზე მეტ Chiefs-ის თამაშზე იმყოფებოდა. აღსანიშნავია, რომ ტეილორმა ორი კვირის წინ პოდკასტში New Heights მე-12 სტუდიური ალბომის, The Life of a Showgirl-ის გამოსვლის დეტალები გაამხილა.
