4 სექტემბერს საბრინა კარპენტერმა განაცხადა, რომ ახალ ალბომს მოჰყვება ციფრული ფორმატის ბონუს ტრეკი, სახელწოდებით „Such a Funny Way“.
პოპვარსკვლავმა სოციალურ ქსელებში გლამურული ფოტო გააზიარა და დაწერა რომ გულშემატკივრებისთვის პატარა სიურპრიზი ჰქონდა.
„Such a Funny Way ის სიმღერაა, რომლითაც ძალიან ვამაყობ, სწორედ ამ ტრეკით წარმომედგინა ალბომ Man’s Best Friend-ის დასრულება, თუმცა არ მინდოდა, დიდხანს გაგრძელებულიყო ეს მოლოდინი, ამიტომ უკვე შესაძლებელია მისი ციფრული ჩამოტვირთვა.”
საბრინა კარპენტერის ახალი, დამატებითი სიმღერა Such a Funny Way უკვე ხელმისაწვდომია არტისტის ოფიციალურ ვებგვერდზე, ალბომ Man’s Best Friend-თან ერთად მისი ჩამოტვირთვა $7.99-ად არის შესაძლებელი. აქამდე სიმღერა მხოლოდ ვინილის დელუქს ვერსიაში შედიოდა, რომელიც 29 აგვისტოს გამოვიდა.
ეს ამბავი მას შემდეგ გავრცელდა, რაც გრემის ჯილდოს მფლობელმა არტისტმა საბრინა კარპენტერმა Apple Music 1-ზე, ზეინ ლოუსთან ინტერვიუში სიმღერის ინსპირაციაზე ისაუბრა. „ხშირად რთულ გრძნობებთან გასამკლავებლად იუმორს ვიყენებ, თუმცა ვხვდები, რომ ეს ყოველთვის საუკეთესო გზა არ არის. წარსულში ჩემს ურთიერთობებში ბევრ პრობლემას ვაწყდებოდი და მეუბნებოდნენ რომ სერიოზულად მოვქცეულიყავი. მაგრამ სიცილი ზოგჯერ ტკივილს ამსუბუქებს. ეს სიმღერა ალბომის ორიგინალურ ვერსიაში არ არის, თუმცა დელუქს ვერსიას ამ სიტყყვებით ასრულებს: “So funny that I have to laugh just so I don’t cry.”- თქვა საბრინა კარპენტერმა.
Man’s Best Friend არტისტის მეშვიდე სტუდიური ალბომია, რომლის მთავარი სინგლი Manchild Billboard Hot 100-ის ტოპ ათეულში შევიდა, მისი წინა ალბომი Short n’ Sweet კი ოთხი კვირა იმყოფებოდა Billboard 200-ის პირველ ადგილას.
ნახეთ საბრინა კარპენტერის განცხადება:
a little surprise for you
— Sabrina Carpenter (@SabrinaAnnLynn) September 4, 2025
“Such a Funny Way” is a song i am so proud of. the sentiment is one i always thought could really be the end of
Man’s Best Friend in another universe!
i didn’t want you to wait too long to have it and get to know it.
it’s available for digital… pic.twitter.com/XxY4IHPxZO
