როდ სტიუარტს ნამდვილად ჰყავს შვილიშვილები, მაგრამ YUNGBLUD მისი შვილიშვილი, ცხადია, არ არის, მიუხედავდ ამისა, მუსიკოსს წლების განმავლობაში ასე ეგონა.
როკ-მუსიკოსმა ეს ამბავი 21 ოქტომბერს, Capital FM-ის ეთერში სტუმრობისას მოჰყვა. YUNGBLUD-ს დაახლოებით ათი წლის განმავლობაში ეგონა, რომ ლეგენდარული მომღერალი და სიმღერების ავტორი როდ სტიუარტი მისი ბაბუა იყო.
„დედაჩემს მამა არასოდეს ჰყოლია, ბებია ყოველთვის დიდი ფანტაზიის მქონე ქალი იყო და აშკარად ხშირად მატყუებდა. ბავშვობაში, როცა ფეხებს მბანდა, მეუბნებოდა, რომ როდ სტიუარტი ბაბუაჩემი იყო. დაახლოებით 9 წლის განმავლობაში მჯეროდა, რომ ის ნამდვილად ბაბუაჩემი იყო.” – იხსენებს სიცილით მუსიკოსი.
სიმართლე კი მხოლოდ მაშინ გაირკვა, როცა ბებიასთან ერთად სურსათის მაღაზიაში იმყოფებოდა.
„მახსოვს, სალაროსთან როდ სტიუარტის დისკი ავიღე, ცრემლები მომადგა და ვკითხე ბებიაჩებს: „ბებო, ბაბუა როდის დაბრუნდება?” – გარშემო ყველამ სიცილი ატეხა, იმ დღეს გავიგე, რომ როდ სტიუარტი სინამდვილეში ბაბუაჩები სულაც არ ყოფილა.” – ამბობს YUNGBLUD.
თუმცა, მიუხედავად იმისა, რომ მუსიკოსებს შორის ნათესაური კავშირი არ არის, ამ ამბის გავრცელების შემდეგ როდ სტიუარტი მზად არის, YUNGBLUD ოჯახის წევრად მიიღოს. ლეგენდარულმა როკშემსრულებელმა ახალგაზრდა მუსიკოსს გულთბილი პირადი შეტყობინება გაუგზავნა: „კარგი, ჩემო პატარა შვილიშვილო!” – მომწერა მან და მე ვთქვი, ღმერთო ჩემო, ნუთუ ეს მართლა როდ სტიუარტია.”
ინტერვიუ YUNGBLUD-ისა და Aerosmith-ის თანამშრომლობის შემდეგ, სიმღერა My Only Angel-ის გამოსვლიდან დაახლოებით ერთი თვის თავზე გამოქვეყნდა. სიმღერამ Billboard-ის Hot Hard Rock Songs-ის ჩარტში პირველი ადგილი დაიკავა. ტრეკი კი მათ ერთობლივ EP-ში შევა, რომელზეც მუსიკოსები ამჟამად მუშაობენ.
ნახეთ YUNGBLUD-ის ინტერვიუ:
