მექსიკის ქალაქ მონტერეიში ყოველწლიური მასშტაბური მუსიკალური ფესტივალი Pa’l Norte მარტში გაიმართება. მეთოთხმეტე სეზონის მთავარი გამომსვლელები The Killers, Guns N’ Roses, Tyler, The Creator და Deftones იქნებიან. ფესტივალის 2026 წლის შემადგენლობა 5 ნოემბერს გახდა ცნობილი, მათ შორის არიან სხვა საერთაშორისო ვარსკვლავებიც: Kygo, Interpol, Halsey, Jackson Wang, Zoé და Grupo Frontera.
ფესტივალი Apodaca Group-ის ორგანიზებით ტარდება და ფუნდიდორას პარკში 27-29 მარტს გაიმართება. მასშტაბური ღონისძიების მონაწილეები ასევე არიან: Los Fabulosos Cadillacs, The Lumineers, Morat, Turnstile, Cuco, 31 Minutos, Omar Courtz, Myke Towers, Simple Plan, Judeline, DJO, The Blaze (DJ Set), Cypress Hill, Purple Disco Machine და Molotov და სხვები.
ფესტივალის ორგანიზატორების განცხადებით, ბილეთების გაყიდვა 11 ნოემბერს Ticketmaster-ის საშუალებით დაიწყება.
2021 წელს Live Nation-ის და პრომოუტერი კომპანია Ocesa-სთან პარტნიორობით ორგანიზებული Pa’l Norte-ის ფესტივალი მექსიკის ერთ-ერთ ყველაზე მასშტაბურ და მრავალფეროვან ღონისძიებად იქცა. ორგანიზატორების თქმით, 2026 წლის გამოცემაში 100-ზე მეტი მუსიკალური არტისტი რვა განსხვავებულ სცენაზე წარდგება.
სამდღიანი ღონისძიება დღის განმავლობაში 100 000 ადამიანს უმასპინძლებს. ფესტივალი Pa’l Norte ყოველწლიურად სტუმრებს მსოფლიოს სხვადასხვა კუთხიდან იზიდავს და დამსწრეთა რაოდენობით ისეთ დიდ ფესტივალებს აღემატება, როგორებიცაა Vive Latino და Corona Capital, რომელთაც დღეში საშუალოდ 80 000 ადამიანი ესწრება.
ფესტივალის პროგრამა როკთან, ინდისა და მექსიკურ რეგიონულ ჟღერადობასთან ერთად ელექტრონულ მუსიკასაც აერთიანებს და საერთაშორისო მუსიკალური სცენის ყველაზე ცნობილ სახეებს წარადგენს.
წინა წლებში ფესტივალის სცენაზე გამოვიდნენ ისეთი ვარსკვლავები, როგორებიც არიან: ბილი აილიში, Foo Fighters, Muse, Tame Impala, The Killers, Maná, Caifanes, Los Fabulosos Cadillacs და 50 Cent.
მიმდინარე წელს კი აუდიტორიის წინაშე ჰედლაინერებად სუპერვარსკვლავები: ოლივია როდრიგო, ჯასტინ ტიმბერლეიკი, Charli XCX და Green Day წარდგნენ.
ნახეთ 2026 წლის Tecate Pa’l Norte-ის სრული შემადგენლობა:
