Queen-ის გიტარისტმა ბრაიან მეიმ 22 დეკემბერს გულშემატკივრებს ნამდვილი სიურპრიზი მოუწყო. მან ჯგუფის აქამდე დაკარგულად მიჩნეული საშობაო სიმღერა გაასაჯაროვა, რომელიც 1974 წელს იყო ჩაწერილი. აკუსტიკური ბალადა Not For Sale (Polar Bear) ჯგუფის მეორე ალბომის, Queen II-ის სესიების დროს ჩაიწერა, თუმცა საბოლოდ ალბომში ვერ მოხვდა.
სიმღერის პრემიერა დიდ ბრიტანეთში ორშაბათის საღამოს, ბრაიან მეის გადაცემა Planet Rock Christmas Special-ის ეთერში შედგა. მუსიკოსმა მსმენელებს აცნობა, რომ ეს ვერსია აქამდე არასდროს გამოქვეყნებულა და დაამატა, რომ სიმღერა Queen II-ის ხელახალ გამოცემაშიც შევა, რომელიც 2026 წელს უნდა გამოვიდეს.
„შესაძლოა, ხალხს მოსმენილი ჰქონდეს Smile-ის Not for Sale (Polar Bear)-ის ვერსია, თუმცა სიმღერა Polar Bear-ის ეს ვერსია, რომელიც ძალიან შორეულ წარსულს უკავშირდება, რამდენადაც ვიცი, აქამდე არავის მოუსმენია“, – თქვა ბრაიან მეიმ.
მან ტრეკს, რომელიც მისი Queen-ამდე არსებული ბენდისთვის, Smile-ისთვის იყო დაწერილი, „მიმდინარე სამუშაო“ უწოდა და თქვა, რომ გადაწყვიტა, ის თავის სპეციალურ სადღესასწაულო კონცერტში შეეტანა, რადგან შთამბეჭდავია იმის ცოდნა, თუ რას ფიქრობს ამაზე ხალხი.
სიმღერას მკაფიოდ გამოხატული საშობაო განწყობა არ აქვს, თუმცა ფრედი მერკურის ნოსტალგიური, სევდიანი ვოკალი მას იმ მელანქოლიურ განწყობას სძენს, რომლითაც სხვა კლასიკური, სევდიანი საშობაო სიმღერებია ცნობილი.
მოისმინეთ QUEEN-ის Not For Sale (Polar Bear)
