Bad Bunny-ს კიდევ ერთი მუსიკალური ვიდეო YouTube-ის ე.წ. Billion Views Club-ს შეუერთდა. სიმღერა Tití Me Preguntó 2022 წლის 1 ივნისს გამოქვეყნდა და უკვე მილიარდ ნახვას გადააჭარბა.
ეს პუერტო-რიკოელი არტისტის მეცხრამეტე ვიდეოა, რომელმაც YouTube-ის მილიარდ ნახვათა კლუბში დაიმკვიდრა ადგილი, ხოლო Bad Bunny ამჟამად აშშ-ის ყოველკვირეულ Top Artists ჩარტში მესამე ადგილზეა.
სიმღერა მის ალბომ Un Verano Sin Tí-ში შედის, რომელიც ძლიერ რიტმსექციაზეა აგებული. ჰიტმა 2022 წლის 15 ოქტომბერს Billboard Hot Latin Songs-ის ჩარტის პირველ პოზიციას მიაღწია და 14 კვირის განმავლობაში ჩარტის სათავეში იმყოფებოდა.
ნიუ-იორკში გადაღებული მუსიკალური კლიპის რეჟისორი Bad Bunny-ს მრავალწლიანი თანამოაზრე Stillz-ია. კლიპი სრულად გადმოსცემს სიმღერის სიუჟეტს, რომელიც მოგვითხრობს ადამიანზე, ვისაც ურთიერთობებისგან თავის დაღწევა სურს.
„ეს სიმღერა სპონტანურად დაიბადა. აქ ნახსენები ყველა ადამიანი რეალურია. რასაც აქ ვამბობ, ყველაფერი სიმართლეა, მათ შორის ისიც, რომ მინდა, შეყვარებული ვიყო, თუმცა ამას ვერ ვახერხებ.” – თქვა Bad Bunny-მ 2023 წელს.
სიმღერა Tití Me Preguntó-ს YouTube-ის „მილიარდ ნახვათა კლუბში“ არტისტის იაპონური ესთეტიკით შთაგონებული ვიდეოკლიპი მოსდევს სიმღერაზე – Yonaguni. ის ამ კლუბს გასული წლის ნოემბერში შეურთდა.
