Tame Impala-ს ელექტრონულმა ტრეკმა – End of Summer – 2026 წლის გრემის დაჯილდოებაზე საუკეთესო საცეკვაო/ელექტრონული ჩანაწერის კატეგორიაში გაიმარჯვა.
ავსტრალიელ არტისტს ამ კატეგორიაში კონკურენციას უწევდნენ ისეთი არტისტები, როგორებიც არიან: Disclosure, Anderson .Paak, Fred again.., Skepta, PlaqueBoyMax, Kaytranada და Skrillex.
Tame Impala-მ პირველი გრემი 2025 წელს მოიპოვა ტრეკისთვის Neverender. ნამუშევარმა ასევე გაიმარჯვა საუკეთესო საცეკვაო/ელექტრონული ჩანაწერის ნომინაციაში. თუმცა 2026 წლის გამარჯვება მისთვის პირველი შემთხვევაა, როცა გრემი სოლო არტისტის სტატუსით მიიღო. აქამდე მას სამი ნომინაცია ჰქონდა საუკეთესო ალტერნატიული ალბომის კატეგორიაში. 2026 წელს კი Tame Impala მხოლოდ ერთ ნომინაციაში იყო წარდგენილი.
End of Summer შესულია ალბომში – Deadbeat, რომელიც 2025 წლის ოქტომბერში გამოიცა. Tame Impala-ს კარიერაში ეს პირველი ალბომია, რომელიც ძირითადად ელექტრონულ ჟღერადობაზეა აგებული. მანამდე არტისტს ოთხი სტუდიური ალბომი ჰქონდა გამოცემული. კევინ პარკერის თქმით, Deadbeat შთაგონებულია ავსტრალიური bush doof ელექტრონული სცენით, ხოლო End of Summer ალბომის დასკვნითი კომპოზიციაა.
End of Summer-მა ხუთი კვირა დაჰყო Hot Dance/Electronic Songs ჩარტში, Deadbeat კი Top Dance Albums-ის ჩარტში სამი კვირის განმავლობაში ლიდერობდა.
