ARMY-ს გულშემატკივრები შესაძლოა ფიქრობდნენ, რომ BTS-ის შესახებ მათთვის ყველა დეტალი ცნობილი იყო, თუმცა SUGA-მ აქამდე უცნობი ფაქტები გაამხილა, რაც მისი ბენდის წევრებისთვისაც სიახლე აღმოჩნდა. Wired-ის search-engine autocomplete სერიის უახლეს ეპიზოდში ჯგუფის წევრებმა ბენდის და საკუთარი თავის შესახებ ისაუბრეს. როდესაც SUGA-ს (მინ იუნგი) ჯერი დადგა, არტისტს მიეცა შესაძლებლობა, სასცენო სახელის შესახებ რეალური ისტორია მოეყოლა.
„SUGA-ს სახელის მნიშვნელობა…” – წაიკითხა მან ერთ-ერთი კითხვა ბარათიდან და თქვა, „ახლა უკვე შემიძლია ამის ახსნა.“ მომღერალმა განმარტა, რომ ფსევდონიმი SUGA UFC-ის მებრძოლის, შონ ო’მალის (Sean O’Malley) მეტსახელიდან, Suga-დან არის აღებული. შონ ო’მალის მეტსახელი კი, თავის მხრივ, კიდევ ერთ ლეგენდარულ მებრძოლს უკავშირდება. SUGA-მ განმარტა: „არსებობს ლეგენდარული მოკრივე Sugar Ray Leonard. სწორედ ამიტომ, პროფესიონალ ადამიანებს, რომლებსაც ტექნიკურად ძლიერი დარტყმის უნარი აქვთ, Suga-ს ეძახიან.“
მან ასევე გაიხსენა, რომ წლების წინ ბანგ სი-ჰიუკმა, BTS-ის ლეიბლის, HYBE-ის დამფუძნებელმა და როგორც ჩანს, კრივის დიდმა მოყვარულმა, არტისტს ურჩია: „რადგან რეპში ტექნიკურად ძლიერი ხარ, SUGA უნდა გერქვას.“
თუმცა, რადგან ამ გრძელი ისტორიის მოყოლა ყოველთვის ძალიან დამღლელი იყო, SUGA-მ გადაწყვიტა, საზოგადოებისთვის უბრალოდ ეთქვა, რომ მისი სახელი კალათბურთის პოზიციის, shooting guard-ის შემოკლებული ვერსია იყო. „ამის შესახებ პირველად მესმის“, – თქვა ჯეი-ჰოუპმა მას შემდეგ, რაც SUGA-მ საუბარი დაასრულა.
ეს ინტერვიუ BTS-ის დიდ დაბრუნებას ემთხვევა, რომელიც მარტში მათი ბოლო, ექვსი წლის მანძილზე პირველი სრულფორმატიანი ალბომის, ARIRANG-ის გამოშვებით დაიწყო. პროექტი უკვე მეორე კვირაა, Billboard 200-ის (11 აპრილის მონაცემებით) პირველ ადგილს იკავებს, სულ რამდენიმე დღეში კი ჯგუფი მასშტაბურ მსოფლიო ტურნეს დაიწყებს.
Wired-ის ვიდეოს სხვა ეპიზოდში ბენდის წევრებმა სამხრეთ კორეის ჯარიდან დაბრუნების შემდეგ ხელახლა გაერთიანებაზე და ალბომ ARIRANG-ის სათაურის მნიშვნელობაზე ისაუბრეს.
ერთ-ერთ ყველაზე სახალისო მომენტში RM-ს ჰკითხეს, ნანობს თუ არა, რომ ბენდის წევრებს ინგლისური ასწავლა, მან კი უპასუხა: „არა. უბრალოდ მათ ინგლისური მაინც არ ესმით,“ – ამ რეპლიკას ბენდის წევრების სიცილი მოჰყვა, რომლებიც ინტერვიუს განმავლობაში თითქმის მხოლოდ კორეულად საუბრობდნენ.
„დიდი ძალისხმევა ჩავდე. არაფერი მაქვს დასანანი. მაგრამ მგონია, რომ მაინც ვერაფერი ვასწავლე. ისეთი შეგრძნება მაქვს, თითქოს არც არასდროს მისწავლებია მათთვის.“ – აღიშნა RM-იმ.
„თუნდაც გვასწავლო, რას გავიგებთ?“ – შეეკითხა j-hope, ხოლო Jin-მა ხუმრობით თქვა: „მასწავლებელი კარგია, თუმცა მოსწავლეებში არ გაუმართლა.”
ნახეთ BTS-ის წევრების ინტერვიუ:
