12 ივნისს საქართველოს კანიე უესტი ეწვევა. ოფიციალურ ინფორმაციას ამის შესახებ Starring Georgia ავრცელებს. 21-ე საუკუნის ერთ-ერთი ყველაზე დიდი მეგავარსკვლავი კონცერტს „დინამო არენაზე” გამართავს.
გამოჩენისთანავე კანიე უესტმა ჰიპ-ჰოპ ინდუსტრიაში სრულიად ახალი სტანდარტები დაამკვიდრა. მის ანგარიშზეა 24 გრემი, 150 მილიონზე მეტი გაყიდული ალბომი და დაუვიწყარი საკონცერტო გამოცდილებები.
2026 წლის მაისში არტისტმა ახალი ალბომი Bully გამოსცა, რომელსაც ექსკლუზიური შოუები მოჰყვა. მათ შორის იყო ლოს-ანჯელესში, დედამიწის ფორმის სფერულ სცენაზე გამართული წარმოდგენა, რომელიც წლის მუსიკალური ინდუსტრიის მთავარ მოვლენად და სასაუბრო თემად იქცა. სწორედ ამ პროექტის ფარგლებში ეწვევა რეპერი 12 ივნისს საქართველოს.
ბილეთების გაყიდვა 12 მაისს, 12:00 საათზე, tkt.ge-ზე დაიწყება.
