1-3 სექტემბერს საქართველოში გერმანიის ეროვნული ახალგაზრდული ორკესტრის (Bundesjugendorchester) ტურნე გაიმართება. ევროპის ერთ-ერთი წამყვანი ახალგაზრდული ორკესტრი თბილისსა და ქუთაისში სამ კონცერტს გამართავს. კონცერტებზე დაუკრავს პიანისტი გიორგი გიგაშვილი. ორკესტრს კი მირიან ხუხუნაიშვილი უდირიჟორებს.
1-ელ სექტემბერს მუსიკოსები მსმენელის წინაშე თბილისის ოპერისა და ბალეტის თეატრში წარდგებიან. შესრულდება რახმანინოვის, ყანჩელისა და მუსორგსკის ნაწარმოებები.
2 სექტემბრის კონცერტს ეროვნული სიმფონიური ორკესტრის „აუდიტორია” უმასპინძლებს. პროგრამაში იქნება კორძისა და მუსორგსკის ნაწარმოებები.
3 სექტებმერს კი ორკესტრი ქუთაისს ეწვევა და რახმანინოვის, ყანჩელისა და მუსორგსკის შემოქმედებას ამჯერად ლადო მესხიშვილის თეატრის სცენაზე დაუკრავს.
პროექტს სოლოსთან, ვიზასა და გოეთეს ინსტიტუტთან ერთად Stockton ახორციელებს.
ბილეთების შეძენა შესაძლებელია ბმულზე.
