ბიბი კვაჭაძე დადა დადიანის აქამდე უცნობ, იშვიათ კადრებს აქვეყნებს. ვიდეომასალაში, რომელიც მუსიკოსმა საკუთარ არქივში აღმოაჩინა, დადა დადიანი და ჰოლანდიელი მუსიკოსია აღბეჭდილი, რომლებიც ერთობლივად მუშაობენ სიმღერაზე. ვიდეოში ასევე წარმოდგენილია დადა დადიანის ინტერვიუ ჰოლანდიელ მუსიკოსთან.
როგორც ბიბი კვაჭაძე წერს, დადასა და უცნობი ჰოლანდიელი მუსიკოსის ხანმოკლე თანამშრომლობა თბილისში 1991-1992 წლებში შედგა. სწორედ ეს პერიოდია დაფიქსირებული ე.წ. VHS-ის კასეტაზე.
„მიუხედავად იმისა, რომ VHS-ის ვიდეოჩანაწერის ხარისხი არც ისე კარგია, ის მაინც ინახავს იმ დროის ძვირფას მოგონებას – ორი სხვადასხვა ქვეყნიდან ჩამოსულ მუსიკოსს, რომლებიც მუსიკის სიყვარულმა გააერთიანა,” – წერს ბ-იბი კვაჭაძე. „თუ ვინმე ამ ვიდეოში გამოსახულ ჰოლანდიელ მუსიკოსს იცნობთ, ან რაიმე ინფორმაცია გაქვთ მათი თანამშრომლობის შესახებ, მადლობელი ვიქნები, თუ გამიზიარებთ.”
ქართული ალტერნატიული მუსიკის ერთ-ერთი პიონერი დადა დადიანი 2025 წელს, 59 წლის ასაკში გარდაიცვალა.
