10 ოქტომბერს „ანტენა“ ზურა ჯიშკარიანის მუსიკალური პროექტის, DillaNext-ის ახალი ვიდეოკლიპის – Funk of 1993-ის პრეზენტაციას უმასპინძლებს.
საღამო შაბათს, 20:00 საათზე დაიწყება და ვიდეოკლიპის ჩვენების შემდეგ სტუმრებს საშუალება ექნებათ, უშუალოდ ჩაერთონ ინტერაქციულ Q&A (კითხვა-პასუხის) სესიაში. დისკუსიაში მონაწილეობას მიიღებენ თავად არტისტი ზურა ჯიშკარიანი და კლიპის რეჟისორი და შემოქმედებითი გუნდის წევრები. შეხვედრაზე Funk of 1993-ის იდეურ კონცეფციაზე, კადრს მიღმა დარჩენილ საინტერესო დეტალებსა და იმ ვიზუალურ თუ აუდიო გამოწვევებზე ისაუბრებენ, რომლებიც ნამუშევრის შექმნას ახლდა თან.
ვიდეოკლიპის ჩვენებასა და დისკუსიას ექსკლუზიური Unplugged სეტი მოჰყვება, რომელიც საღამოს მუსიკალურ ნაწილს გააგრძელებს.
ღონისძიებაზე დასწრება თავისუფალია.
