ოლივია როდრიგო მუსიკის შესაქმნელად შთაგონების არაერთ წყაროს იყენებს. ახლახან პოპვარსკვლავმა გაამხილა, რომ კენდრიკ ლამარის HUMBLE სწორედ ასეთი ინსპირაცია იყო. როდრიგოს თქმით, ამ ტრეკმა მის ალბომში – You Seem Pretty Sad for a Girl So in Love – შემავალი სიმღერის, Expectations-ის შექმნას ჩაუყარა საფუძველი.
ოლივია როდრიგო და ჩაპელ როუნი Apple Music-ზე მიიწვიეს. ინტერვიუს დროს როდრიგომ Expectations-ის შექმნის ისტორია გააზიარა:
„ეს საკუთარი თავის გამოწვევას ჰგავდა. მინდოდა მიმზიდველი სიმღერა დამეწერა. შემდეგ კი ვიფიქრე: მინდა ეს სიმღერა ყოველ საღამოს ვიმღერო. ის ლამარის „Sit down, be humble“-ს ჰგავს. ტვინში გიჯდება. ეს ერთგვარი მანტრაა“.
როდრიგომ თავის კოლაბორატორს, ჩაპელ როუნსაც გადაუხადა მადლობა:
„როდესაც ამ სიმღერას ვქმნიდი, ჩაპელმა, მისმა დამოკიდებულებამ და თავდაჯერებულობამ ძლიერად შთამაგონა“.
Expectations-ის რემიქსი 16 ოქტომბერს მუსიკალურ ვიდეოსთან ერთად გამოვიდა. სიმღერა როდრიგოსა და ჩაპელ როუნის კოლაბორაციაა. არტისტები ვიდეორგოლშიც თავადვე მონაწილეობენ.
სიმღერა შესულია ოლივია როდრიგოს ალბომში – You Seem Pretty Sad for a Girl So in Love, რომელიც 2026 წლის ივნისში გამოვიდა და Billboard 200-ის სათავეში აღმოჩნდა, Billboard Hot 100-ში კი მე-20 ადგილი დაიკავა.
