2023 წლის MTV-ის კინოსა და ტელევიზიის დაჯილდოებას დრიუ ბერიმორი გაუძღვება. თავად მსახიობს სამჯერ აქვს მოგებული ამ დაჯილდოების პრიზი „ოქროს პოპკორნი”. მისმა და ადამ სენდლერის დუეტმა ჯილდო ორჯერ დაიმსახურა: 1998 წელს საუკეთესო კოცნისთვის კინოფილმში The Wedding Singer და 2004 წელს საუკეთესო ეკრანული წყვილისთვის ფილმში 50 First Dates. 2001 წელს კი ბერიმორმა, კამერონ დიასმა და ლუსი ლუმ გაიმარჯვეს იმავე ნომინაციაში (საუკეთესო ეკრანული გუნდი) ფილმისთვის „ჩარლის ანგელოზები”.
2022 წლის დაჯილდოებაზე დრიუ ბერიმორის შოუ საუკეთესო თოქ შოუს ნომინაციაში იყო წარდგენილი. თუმცა პრიზი ჯიმი ფელონის ღამის შოუს ხვდა წილად. სპეციალური ჯილდოები კი გადაეცათ ჯენიფერ ლოპესს (თაობის ჯილდო) ჯეკ ბლექს (კომედიური გენიოსის ჯილდო) და ბეთენი ფრანკელს (MTV-ს „რეალითი” ჯილდო). შარშან შოუ ვანესა ჰაჯინსა და ტაიშია ადამს მიჰყავდათ. Რაც შეეხება წლევანდელ ნომინაციებსა და წარმდგენებს, ინფორმაცია ამის შესახებ მომდევნო კვირებში გახდება ცნობილი.
