ტეილორ სვიფტის სახლი, რომელიც ნიუ-იორკში, ტრაიბეკას არეალში მდებარეობს, ქურდობის სამიზნე გახდა. სახლში შეჭრა მამაკაცმა სცადა, რომელიც პოლიციამ დააკავა.
პოლიციას ქურდობის მცდელობის ფაქტი ოფიციალურად არ დაუდასტურებია, თუმცა ჩანაწერებით ცნობილია, რომ მათ მამაკაცი შენობის კარის გაღების მცდელობის შესახებ შეტყობინებისათვის დააპატიმრეს. მოწმეების თქმით, მამაკაცი შენობაში შესვლას ცდილობდა, თუმცა ვერ შეძლო.
ცნობილი არ არის, იმყოფებოდა თუ არა ამ დროს სვიფტი სახლში. შემდეგ დღეს ბუფალოში მისი მეგობარი მამაკაცის, ტრევის კელსის თამაში იყო, რომელსაც თავადაც დაესწრო.
აღსანიშნავია, რომ სვიფტის ეს კონკრეტული სახლი ადრეც გახდა შეჭრის სამიზნე. გარდა სავარაუდო ქურდობის მცდელობისა, ადევნების ფაქტებიც დაფიქსირდა.
