მუქი

Guns N’ Roses ხელოვნური ინტელექტის მიერ შექმნილ ვიდეოს აზიარებს

2023 წლის სინგლზე შექმნილი ვიდეო მოიცავს ბენდის ლაივკონცერტების ჩანაწერებს, რომლებიც ხელოვნური ინტელექტის მიერ შექმნილ ფუტურისტული სამყაროს კადრებს ერწყმის.
Guns N’ Roses – The General

მაშინ, როცა 2008 წლის Chinese Democracy-ის შემდეგ მსოფლიო ისევ Guns N’ Roses-ის ახალი ალბომის მოლოდინშია, ვეტერანმა როკერებმა 2023 წლის სინგლზე The General ახალი ვიდეოკლიპი გააზიარეს. ეს ბენდის პირველი ვიდეოა, რომელიც ხელოვნურმა ინტელექტმა შექმნა. 

ვიდეო მოიცავს ჩანაწერებს ბენდის 20 ლაივკონცერტიდან, რომლებსაც ხელოვნური ინტელექტის მიერ შექმნილი ფუტურისტული სამყაროს კადრები ერწყმის, სადაც ახალგაზრდა ანიმაციური გმირი იკვლევს გზას. კლიპის აღწერის მიხედვით „ვიდეო მოგზაურობაა ახალგაზრდა ბიჭის ქვეცნობიერში, რომელიც ბავშვობის ბნელ მოგონებებს უსწორებს თვალს.”

მას შემდეგ, რაც 2016 წელს ბენდში ისევ შეიკრიბნენ დამფუძნებელი წევრები: გიტარისტი სლეში და ბასისტი დაფ მაკკეგენი, Guns N’ Roses მსოფლიოს მასშტაბით ტურნეებს მართავს. პარალელურად კი არ წყდება ჭორები ბენდის პირველი შემადგენლობის ახალი ალბომის გამოცემის შესახებ 1991 წლის ორი დისკის – Use Your Illusion I და II-ის შემდეგ. 

2023 წელს The General-თან ერთად GNR-მა ასევე გამოუშვა როკბალადა Perhaps. სექტემბერში კი Use Your Illusion I & II-ის სპეციალური ნაკრები გამოვიდა, სადაც 63 აქამდე გამოუქვეყნებელი კომპოზიცია და ვიდეო შევიდა.

ნახეთ ვიდეოკლიპი The General:

Share
Tweet
Share
Share
Share

წინა სტატია

ჯონი მარი დონალდ ტრამპს Smiths-ის სიმღერების საარჩევნო კამპანიაში გამოყენებისთვის აკრიტიკებს

შემდეგი სტატია

რობი რობერტსონი და მარტინ სკორსეზე შემოქმედებითი თანამშრომლობისათვის სპეციალურ საპატიო ჯილდოს მიიღებენ

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი