პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” – ასე ჟღერს სიმღერის ტექსტის თარგმანი.
ფოტო: პერ ოლე ჰაგენი/Redferns

19 აპრილს ტეილორ სვიფტმა ახალი ალბომი The Tortured Poets Department გამოსცა. ეს მისი მე-11 სტუდიური ალბომი და პირველი ახალი მუსიკალური ნამუშევარია მას შემდეგ, რაც 2022 წელს Midnights ჩაწერა. სვიფტისათვის დამახასიათებელი ხელწერის ტექსტები პირადი ისტორიებით გამოირჩევა. მომღერალმა ალბომში შესული სიმღერების ტექსტებში სხვადასხვა ეპოქის არტისტებიც ახსენა. ერთ-ერთი მათგანი კი პატი სმითია. „შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” – ასე ჟღერს იმ  სიტყვების თარგმანი, რომელიც ალბომის სახელწოდების ტრეკში –  The Tortured Poets Department-ში ისმის. 

ალბომის გავრცელების შემდეგ, ტეილორ სვიფტის ამ ნამუშევარს თავად პატი სმითი გამოეხმაურა. მუსიკოსმა ინსტაგრამზე ატვირთა ფოტო, რომელშიც ის კითხულობს წიგნს სახელწოდებით Dylan Thomas’ Portrait of the Artist as a Young Dog. ეს არის 1940 წელს გამოცემული კრებული, რომელშიც დილან თომასის მოკლე მოთხრობებია გაერთიანებული. პატი სმითმა პოსტის აღწერაში ტეილორ სვიფტს მიმართა და მას მადლობა გადაუხადა ისეთ დიდებულ პოეტთან ერთად მოხსენიებისათვის, როგორიც დილან თომასია.

იხილეთ პატი სმითის პოსტი.

Share
Tweet
Share
Share
Share

წინა სტატია

OneRepublic – მსოფლიო ჰიტების ავტორი ბენდი Starring Georgia-ს სცენაზე

შემდეგი სტატია

„ბილბორდი“ K-პოპის მსოფლიო მასშტაბით პოპულარიზებაზე იზრუნებს 

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი