26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის და კომპოზიტორის, ხონძის საავტორო კომპოზიციები შესრულდება.
დამოუკიდებლობის დღისადმი მიძღვნილ კონცერტზე წარდგებიან: ხონძი – საქსოფონი, პაპუნა შარიქაძე – კლავიში, პანაიოტის ანდრეუ – ბასი, ოფრი ნეჰემია – დრამი და სპეციალურად მოწვეული სტუმარი ელიბო იმერლიშვილი – პერკუსია.
ჯაზ-კლუბ Nublu-ში საქსოფონისტის და კომპოზიტორის, ხონძის არაერთი კონცერტი გამართულა, ბოლოს კი მუსიკოსი აუდიტორიის წინაშე ამავე სივრცეში Winter JazzFest-ის ფარგლებში წარდგა.
ღონისძიებაზე დასასწრები ბილეთების შეძენა აქ შეგიძლიათ.
