Coldplay-ის სიმღერის Good Feelings პრემიერა იტალიაში ჩატარებულ კონცერტზე შედგა

ტრეკი სავარაუდოდ ბრიტანული ბენდის მომავალ ალბომში შევა
კრის მარტინი 2023 წლის 25 ივნისს იტალიაში, ქალაქ მილანში სან სიროს სტადიონზე. ფოტო: სერგიონე ინფონს
კრის მარტინი 2023 წლის 25 ივნისს იტალიაში, ქალაქ მილანში სან სიროს სტადიონზე. ფოტო: სერგიონე ინფონს

ბრიტანულმა ჯგუფმა Coldplay-მ სიმღერა სახელწოდებით Good Feelings, რომელიც ჯერ არ გამოქვეყნებულა, რომის ოლიმპიურ სტადიონზე მიმდინარე კონცერტის დროს შეასრულა.

ჯგუფის გულშემატკივრებმა ამ სიმღერის შესახებ საკმაოდ დიდი ხანია იციან. გამოცემა Rolling Stone-ის თანახმად მაქს მარტინის პროდიუსერობით შექმნილი სიმღერა 2021 წლის ალბომ Music of the Spheres-სთვის იყო შექმნილი, თუმცა ის სავარაუდოდ Coldplay-ის მეათე ალბომ Moon Music-ში შევა.

ივნისში Coldplay-მ  მაქს მარტინის პროდიუსერობით შექმნილი სინგლი Feelslikeimfallinginlove გააზიარა, რომელიც ასევე ალბომ Moon Music-ში შევა.

ახალი ალბომის გამოცემა 4 ოქტომბერს არის დაგეგმილი. 2023 წლის იანვარში კრის მარტინმა Toronto City News-სთან საუბრისას თქვა, რომ ბენდი Music of the Spheres-ის სერიაში მეორე LP-ის გამოსცემს. „ეს მალე არ იქნება, თუმცა მომავალ წელს რამდენიმე ახალი სინგლი გამოვა.“ – აღნიშნა იმ დროს ჯგუფის ფრონტმენმა.

Coldplay-ის გლობალური ტური 2022 წლის 18 მარტს კოსტა-რიკაში დაიწყო. წლევანდელი ტურის ბოლო ორი კონცერტი კი 15-16 ნოემბერს ახალი ზელანდიის ქალაქ ოკლენდში, ედენ პარკშია დაგეგმილი. 

ნახეთ Coldplay-ის სიმღერის Good Feelings დებიუტი ქალაქ რომში.

Share
Tweet
Share
Share
Share

წინა სტატია

შაკირა კოპა ამერიკის ფინალური მატჩის დროს, 2024 წლის 14 ივლისი, ფლორიდა - ფოტო: კარმენ მანდატო

შაკირა „კოპა ამერიკა 2024“-ის ფინალურ მატჩზე წარდგა

შემდეგი სტატია

გიორგი გიგაშვილი Edison Awards-ზეა ნომინირებული

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი