მსმენელი Cardi B-ის მიერ დაანონსებულ ალბომს კვლავაც ელოდება. ალბომის გამოცემის გადადების გამო რეპერი პოდკასტის წამყვანმა ჯო ბადენმა გააკრიტიკა. ამ კრიტიკას Cardi B საჯაროდ სოციალურ ქსელ X-ზე გამოეხმაურა.
Cardi B-მ გაიხსენა დრო, როდესაც სტრიპტიზ კლუბში მოცეკვავედ მუშაობდა და გაამხილა, რომ ჯო ბადენი ამ კლუბის ხშირი სტუმარი იყო. რეპერმა ისიც საჯაროდ დაწერა, რომ მას უცეკვია კიდეც ბადენთან მაშინ, როცა წამყვანი ნარკოტიკული ზემოქმედების ქვეშ იყო. „ფაქტია, რომ შენ ჩემ შესახებ ყოველთვის ცუდად საუბრობ,”- აღნიშნა Cardi B-მ თავის პოსტში.
„ყოველ 5-6 თვეში ერთხელ სხვა ქალ არტისტებს მადარებ. მადარებ ძველ რეპერებს და ახალბედა არტისტებს. თუ ისინი ასე გიყვარს, მათ ალბომებს რატომ არ განიხილავ? შენ ისეთ არტისტებს მადარებ, რომელთა საუკეთესო ჩანაწერებს ჩემი ყველაზე ცუდი ნამუშევრები სჯობს. არც ერთი მათგანი არ მაინტერესებს,” – მიმართა ბადენს Cardi B-მ პოსტის მეშვეობით. როგორც რეპერი აღნიშნავს, ჯო ბადენი მისი ალბომის გამოსვლას იმიტომ ელოდება, რომ შემდეგ ის გააკრიტიკოს.
პოდკასტის გასულ ეპიზოდში ჯო ბადენმა გამოთქვა ვარაუდო, რომ Cardi B ახალი ალბომის გამოცემას აღარ აპირებს. „ჩვენ ახალ ალბომს არასდროს ვნახავთ. მე ამ აზრზე ვარ,”- განაცხადა ბადენმა. მისი ვარაუდით, რეპერი მომავალში მხოლოდ სინგლებს გამოუშვებს. ჯო ბადენმა სოციალური ქსელის მეშვეობით ნარკოტიკების მოხმარების ბრალდებებსაც უპასუხა და აღნიშნა, რომ ქარდის მასთან სტრიპტიზ კლუბში არასდროს უცეკვია. ბადენმა ასევე პირობა დადო, რომ Cardi B-ის კარიერას თავის პოდკასტში არასდროს გააშუქებს.
6 წელი გავიდა მას შემდეგ, რაც Cardi B-მ ბოლო ალბომი Invasion of Privacy გამოსცა. ამ ალბომით მან გრემის ჯილდოც მოიგო.
