8 მარტს პროექტ Billboard Georgia Stage-ის ფარგლებში ბექა გოჩიაშვილის და მისი ბენდის კონცერტი გაიმართება. ბექა გოჩიაშვილი გამორჩეული ქართველი ჯაზ მუსიკოსებისაგან შემდგარ ბენდთან ერთად, Republic-ის სცენაზე წარადგენს მუსიკალურ ექსპერიმენტს, რომელსაც ქართველი აუდიტორია პირველად მოისმენს.
მუსიკალურ საღამოზე დაუკრავენ: ბექა გოჩიაშვილი (კლავიში), ლუკა თოფურია (კლავიში), ლევან დეისაძე (ბას-გიტარა), სოსო ცაგარეიშვილი (დასარტყამი ინსტრუმენტი).
ბექა გოჩიაშვილმა ჯაზის ლეგენდების – ჰერბი ჰენკოკისა და ჩიკ კორეას ყურადღება ჯერ კიდევ 10 წლის ასაკში მიიპყრო. 16 წლიდან, მუსიკოსი უკვე მსოფლიო მნიშვნელობის სცენებზე უკრავს. მისი შემოქმედება აერთიანებს კლასიკას, ჯაზს, იმპროვიზაციას და თანამედროვე მუსიკის ელემენტებს. ბექა გოჩიაშვილი სხვადასხვა დროს უკრავდა ისეთ ლეგენდებთან, როგორებიც არიან სტენლი კლარკი, ლენი უაითი და ჩიკ კორეა.
პროექტ Billboard Georgia Stage-ის მხარდამჭერია კომპანია Silknet.
კონცერტის შესახებ დეტალურ ინფორმაციას გაეცანით ბმულზე.
ბილეთები შეიძინეთ აქ.
