ტელევიზიის ხელოვნებისა და მეცნიერების ეროვნულმა აკადემიამ (NATAS) შაბათს, 15 მარტს, ლოს-ანჯელესში, Television City-ში გამართულ ცერემონიაზე 2025 წლის Children’s and Family Emmy Awards-ის გამარჯვებულები დაასახელა.
მესამე ყოველწლიური დაჯილდოების მასპინძელი Looney Tunes-ის გამხმოვანებელი მსახიობი ერიკ ბაუზა იყო. NATAS-ის განცხადებით, ჯილდოები მიენიჭათ ბავშვთა გასართობი ინდუსტრიის საუკეთესო შემოქმედებით და ინოვაციურ ნამუშევრებს.
დაჯილდოებაზე და მის შემდგომ გამართულ Creative Arts-ის ცერემონიაზე Percy Jackson and the Olympians-მა საერთო ჯამში 8 ჯილდო მოიპოვა, Sesame Street-ის პროექტებმა – 5, Orion and the Dark-მა – 4, ხოლო The Velveteen Rabbit-მა – 2.
Percy Jackson-მა, რომლის მესამე სეზონის წარმოებაც უკვე დადასტურებულია, მთავარი ჯილდოები მოიგო საუკეთესო ახალგაზრდა თინეიჯერული სერიალის კატეგორიაში და live-action სერიალის საუკეთესო რეჟისურაში ეპიზოდისთვის – I Accidentally Vaporize My Pre-Algebra Teacher. ამ უკანასკნელმა გამარჯვება გაიყო სერიალ A Real Bug’s Life-ის ეპიზოდთან The Big City. კიდევ ექვსი ჯილდო სერიალმა Creative Arts ცერემონიაზე მოიპოვა.
საკონკურსო კატეგორიების მიღმა, Sesame Street-ისა და The Muppet Show-ს მსახიობს, თოჯინების თეატრის ოსტატ ფრან ბრილს კარიერული მიღწევებისთვის ჯილდო გადაეცა.
2025 წლის საბავშვო ემის მთავარი კატეგორიის გამარჯვებულები არიან:
სკოლამდელი ასაკისათვის განკუთვნილი სერიალი:
გამარჯვებული: Blue’s Clues & You!, Nickelodeon
Donkey Hodie, PBS Kids
Lovely Little Farm, Apple TV+
Sesame Street, Max
საბავშვო და საოჯახო სერიალი:
გამარჯვებული: Fraggle Rock: Back to the Rock, Apple TV+
La Fuerza de Creer: Dulce Sazón, Univision
Jane, Apple TV+
Malory Tower, BYUtv
Raven’s Home, Disney Channel
ახალგაზრდა თინეიჯერების სერიალი:
Goosebumps, Disney+
Heartstopper, Netflix
One Piece, Netflix
გამარჯვებული: Percy Jackson and the Olympians, Disney+
2025 წლის Children’s and Family Emmy Awards-ის გამარჯვებულთა სია იხილეთ Billboard Family-ის პლატფორმაზე.
