17 მარტს დუა ლიპამ ავსტრალიაში, ქალაქ მელბურნში, ტურნეს ფარგლებში Rod Laver Arena-ზე კონცერტი გამართა. სუპერვარსკვლავმა ტურნეს სიმღერების სიას ახალი კომპოზიცია – AC/DC-ის 1979 წლის კლასიკური ჰიტი Highway to Hell შემატა. ყოველივე ამას კი განსაკუთრებული დანიშნულება აქვს, რადგან AC/DC ავსტრალიური წარმოშობის ლეგენდარული ბენდია.
თვის დასაწყისში ცნობილი გახდა, რომ დუა ლიპამ გლობალური ტურნეს, Radical Optimism-ის ავსტრალიური ტურის ყველა ბილეთი გაყიდა.
მომღერალი ავსტრალიაში მხოლოდ ორი კვირით რჩება. მას მელბურნის Rod Laver Arena-ზე ხუთი შოუ აქვს დაგეგმილი, ხოლო სიდნეიში, Qudos Bank Arena-ზე – სამი.
დუა ლიპა ავსტრალიის შემდეგ ახალ ზელანდიაში გაემგზავრება, სადაც აპრილის დასაწყისში ოკლენდში, Spark Arena-ზე გამართავს კონცერტებს.
დუა ლიპას ავსტრალიური ტურნე მესამე ალბომის, Radical Optimism-ის (2024), მხარდასაჭერად ტარდება. ალბომმა Billboard 200-ის ჩარტში მეორე ადგილი დაიკავა.
ალბომში ასევე შედის სინგლი Houdini, რომელსაც 2024 წლის Billboard Music Awards-ზე საუკეთესო საცეკვაო/ელექტრონული სიმღერის ჯილდო მიენიჭა.
პოპვარსკვლავმა 2025 წელი ახალ კოლაბორაციასთან ერთად დაიწყო – ის JENNIE-ს სიმღერა Handlebars-ში მონაწილეობს, რომელიც BLACKPINK-ის ვოკალისტის სადებიუტო სოლო ალბომ Ruby-ში არის შესული.
