როგორც Billboard-მა და Telemundo-მ ოთხშაბათს, 16 აპრილს განაცხადეს, სელენა გომესი წლევანდელ Billboard Latin Women in Music-ზე “წლის ქალის” ჯილდოს მიიღებს. ორსაათიანი სპეციალური ღონისძიება მაიამიში გაიმართება და 24 აპრილს, ექსკლუზიურად Telemundo-ზე გადაიცემა.
“წლის ქალის” ჯილდო მუსიკალურ ინდუსტრიაში და მის ფარგლებს გარეთ განსაკუთრებით წარმატებულ არტისტებს გადაეცემათ. ამ ჯილდოს მფლობელები არიან შაკირა და Karol G.
გლობალური სუპერვარსკვლავი სელენა გომესი კვლავ წარმატების ზენიტშია. იგი Billboard-ის ჩარტებში სხვადასხვა ჟანრშია წარმოდგენილი. Billboard Hot 100-ის ჩარტში ჯამში 42 ჩანაწერი აქვს, მათ შორის ნომერ პირველი ჰიტი – Lose You to Love Me (2019).
ლათინო სიმღერების ჩარტში გომესი არტისტ DJ Snake-თან ერთად სიმღერა Taki Taki-ით არის წარმოდგენილი, სადაც ასევე მონაწილეობდნენ Ozuna და Cardi B. სიმღერამ ჩარტში 2018 წლის ოქტომბერში პირველი პოზიცია დაიკავა და ლიდერობა 13 კვირის განმავლობაში შეინარჩუნა.
საერთო რეიტინგში სელენა გომესი ტოპ 10 ჰიტში კიდევ სამი სიმღერით პოზიციონირებდა, მათ შორისაა Baila Conmigo – მისი კოლაბორაცია რაუ ალეხანდროსთან, რომელიც 2021 წელს Latin Airplay-ის ჩარტში მეოთხე ადგილს ერთი კვირის განმავლობაში იკავებდა.
