ამერიკელი ჰიპ ჰოპ არტისტი, ჯეკ ჰარლოუ ახალ სინგლს First Class ავრცელებს, რომლის მისამღერშიც The Black Eyed Peas-ის ყოფილი ვოკალისტის, ფერგის სოლო ჰიტი Glamorous არის გამოყენებული. კომპოზიცია 24 წლის შემსრულებლის ალბომში Come Home the Kids Miss You შევა, რომელიც ლეიბლ Atlantic Records-თან თანამშრომლობით მიმდინარე წლის 6 მაისს ჩაეშვება გაყიდვაში. თაყვანისმცემლებმა სტუდიური ნამუშევრის პირველი სინგლი Nail Tech თებერვალში უკვე მოისმინეს.
მიმდინარე წლის მარტში ჟურნალ Rolling Stone-თან ინტერვიუში ჯეკ ჰარლოუმ თავისი მომავალი ალბომის შესახებ ისაუბრა:
ჯეკმა რეჩიტატივის კითხვა 12 წლის ასაკში დაიწყო. მისი პირველი მიქსტეიპი 2011 წელს გამოიცა. მას შემდეგ კენტუკელმა მუსიკოსმა რამდენიმე სტუდიური ნამუშევარი გამოაქვეყნა, თუმცა, ფართო საზოგადოების ყურადღება მან 2020 წლის კომპოზიციით Whats Poppin დაიმსახურა. ექვსმაგი პლატინის სტატუსის მფლობელი ტრეკის რემიქსი ჰარლოუს არაერთმა პოპულარულმა კოლეგამ ჩაწერა. 2020 წლის დეკემბერში რეპერმა გაყიდვაში სადებიუტო ალბომი That’s What They All Say ჩაუშვა, რომელიც Billboard 200-ში მეორე პოზიციაზე გავიდა. ასევე, აღსანიშნავია 2021 წელს ლილ ნას იქსთან კოლაბორაციით შექმნილი სიმღერა Industry Baby, რომელიც ბილბორდის ცხელი ასეულის სათავეში მოხვდა.
