დისნეიმ „ზოოტოპია 2-ის” პირველი ტრეილერი გამოაქვეყნა, სადაც გაზელის როლს კვლავ შაკირა ასრულებს. ნოემბერში ცნობილი გახდა, რომ კოლუმბიელი ვარსკვლავი თავის ვოკალურ შესაძლებლობებს კიდევ ერთხელ უწილადებს დამოუკიდებელ ანტილოპას, რომელიც თავბრუს ხვევს აუდიტორიას მისი ბრჭყვიალა მონეტებიანი ქვედაბოლოთი და ენერგიული ჰიმნით Try Everything.
ოსკაროსანი დუეტის, ჯარედ ბუშისა და ბაირონ ჰოვარდის მიერ გადაღებული ანიმაციური ფილმის მეორე ნაწილში შაკირას პარტნიორობას კვლავ გაუწევენ ჯინიფერ გუდვინი და ჯეისონ ბეიტმენი, რომლებიც დეტექტივების – ჯუდი ჰოპსისა და ნიკ უაილდის პერსონაჟებს ახმოვანებენ. ამჯერად მათ ახალი გმირი დაემატებათ – გველი, სახელწოდებით გარი.
გავრცელებულ ტრეილერში ნიკი, ჯუდი და გარი ზოოტოპიის სხვადასხვა ნაწილში პოლიციისგან გაქცევას ცდილობენ. ბოლოს კი მისტიკურ პერსონაჟს გადააწყდებიან – შავმოსასხამიან ფიგურას მანათობელი თვალებით. ტრეილერში ვხვდებით ახალ გმირებსაც – თხუნელასა და ქუოკას და ასევე შაკირას პერსონაჟ გაზელს.
ამჟამად მომღერალი მისი ბოლო ალბომის სახელწოდების მსოფლიო ტურნეშია – Las Mujeres Ya No Lloran. შაკირას ვარსკვლავური სიკაშკაშე ახლა კიდევ უფრო ძლიერია, რაც გაზელის ეკრანზე დაბრუნებას მეტად საინტერესოს ხდის ყველა ასაკის ფანებისთვის.
კოლუმბიელმა ვარსკვლავმა ცოტა ხნის წინ ჯიმი ფელონის შოუში Hips Don’t Lie-ს 20 წლის იუბილე აღნიშნა. ასევე წარდგა ღამის შოუში, სადაც მისი საყვარელი 1996 წლის ბალადა Antología შეასრულა.
„ზოოტოპია 2” კინოთეატრებში 26 ნოემბერს გამოვა. ნახეთ ტრეილერი:
