პანდემიით გამოწვეული ორწლიანი პაუზის შემდეგ, მუსიკალური ფესტივალი კალიფორნიაში მდებარე კოლორადოს უდაბნოში, ქალაქ ინდიოს სიახლოვეს არსებულ კოაჩელა ველის დაუბრუნდა. ღონისძიების პირველი ნაწილი 15, 16 და 17 აპრილს ჩატარდა.
ბრიტანელმა მომღერალმა, ჰარი სტაილზმა, რომელიც შოუს ერთ-ერთი ჰედლაინერი გახლდათ, პარასკევს, კონცერტის მიმდინარეობისას სცენაზე კანადელი მომღერალი, შენაია ტვეინი მიიწვია და ამ უკანასკნელის ჰიტი Man! I Feel Like a Woman შეასრულა.
ბილი აილიში კი შაბათს ყველაზე ახალგაზრდა ჰედლაინერი გახდა, რომელიც “კოაჩელას” სცენაზე წარდგა. “ალბათ, მე არ უნდა ვყოფილიყავი ამ ღონისძიების ჰედლაინერი, მაგრამ უზომოდ მადლიერი ვარ, რომ აქ ვარ”, – თქვა 20 წლის მუსიკოსმა.
ხოლო კვირა საღამოს უდაბნოში შეკრებილების წინაშე The Weeknd და Swedish House Mafia გამოვიდნენ. მათ ასევე სცენაზე კოლაბორაციული ტრეკი Moth to a Flame შეასრულეს.
Billie Eilish & Khalid
ბილი აილიში და ქალიდი 16 აპრილს კალიფორნიაში, ქალაქ ინდიოში Coachella-ს სცენაზე პერფორმანსით წარდგნენ.
Diplo & Anitta
ამერიკელი დიჯეი დიპლო და ბრაზილიელი მომღერალი ანიტა მუსიკალური ფესტივალის კულისებში კამერებმა აღბეჭდეს.
Megan Thee Stallion
ცნობილი ამერიკელი ჰიპ ჰოპ არტისტი Megan Thee Stallion ყოველწლიური მუსიკალური ფესტივალის სცენაზე პერფორმანსით წარდგა.
Becky G & Karol G
ამერიკელმა არტისტმა, ბექი ჯიმ და კოლუმბიელმა მუსიკოსმა, ქეროლ ჯიმ ფესტივალის მაყურებლების წინაშე ერთად იმღერეს.
21 Savage & Post Malone
ატლანტელმა რეპერმა 21 Savage და ნიუ იორკელმა მომღერალმა, ფოსთ მელოუნმა ერთობლივი პერფორმანსი ღონისძიების მეორე დღეს, 16 აპრილს გამართეს.
Conan Gray
ამერიკელმა მომღერალმა, ქონან გრეიმ ღონისძიების ფარგლებში კონცერტი 16 აპრილს დღისით ჩაატარა.
Japanese Breakfast
ექსპერიმენტული პოპ პროექტის Japanese Breakfast-ის დამაარსებელმა, მიშელ ზაუნერმა ფესტივალის სცენაზე შაბათს დაუკრა.
Brockhampton
ღონისძიების ფარგლებში მაყურებლებს შოუ შესთავაზა ჰიპ ჰოპ კოლექტივმა “ბროქჰემფთონმაც”, რომელიც წელს უკანასკნელ ალბომს გამოუშვებს. “ყველაფერი კარგი უნდა დასრულდეს”, – ეწერათ მათ ქურთუკზე.
Omar Apollo
24 წლის ამერიკელი მომღერალი და სონგრაითერი, ომარ აპოლო “კოაჩელას” სტუმრების წინაშე ღონისძიების პირველ დღეს გამოვიდა.
Tyga & Doja Cat
ამერიკელმა მუსიკოსებმა, თაიგამ და დოჟა ქეთმა მაყურებლებს პერფორმანსი კვირას, 17 აპრილს შესთავაზეს.
Ari Lennox
ამერიკელმა არენბი შემსრულებელმა, არი ლენოქსმა “კოაჩელას” სცენაზე ღონისძიების გახსნის დღეს იმღერა.
Lil Baby
პოპულარული ჰიპ ჰოპ არტისტი, ლილ ბეიბი ფესტივალის სცენაზე ასევე ღონისძიების პირველ დღეს, 15 აპრილს წარდგა.
Justin Bieber & Daniel Caesar
“კოაჩელაზე” მსმენელს პერფორმანსი ამერიკელმა მუსიკოსმა, ჯასტინ ბიბერმა და კანადელმა მომღერალმა, დენიელ ცეზარმაც შესთავაზეს.
YG & Big Sean
ღონისძიების მონაწილე რეპერებს შორის მაყურებელმა ასევე ვაიჯი და ბიგ შონი იხილა.
Phoebe Bridgers
კალიფორნიელი ინდი ფოლკ არტისტი, ფიბი ბრიჯერსი 15 აპრილს აგრეთვე გახლდათ ფესტივალ “კოაჩელას” სტუმარი.
Shania Twain & Harry Styles
ჰარი სტაილზი 15 აპრილს ღონისძიების ჰედლაინერი გახლდათ. თავის კომპოზიციებთან ერთად მან კანადელი შენაია ტვეინის ნამუშევრებიც შეასრულა.
Swedish House Mafia
სუპერჯგუფ Swedish House Mafia-ს წევრები: სტივ ანჯელო, აქსველი და სებასტიან ინგროსო “კოაჩელას” ჰედლაინერები 17 აპრილს უიქენდთან ერთად გახლდნენ.
The Weeknd
ღონისძიების ჰედლაინერად კანადელი პოპვარსკვლავი, უიქენდი მას შემდეგ გამოცხადდა, რაც ფესტივალის დაწყებამდე რამდენიმე დღით ადრე რეპერმა ქანიე ვესთმა კონცერტის გამართვაზე უარი თქვა.
