არიანა გრანდეს თქმით, ფილმ Wicked-ის ორწლიანი პროექტის კინემატოგრაფიული ადაპტაციისთვის პერსონაჟ გლინდას როლზე დამტკიცებას დასაბუთებული არგუმენტები სჭირდებოდა. როგორც პოპ-ვარსკვლავმა პოდკასტ Sentimental Men-ის წამყვანებთან ქუენსი ბორნთან და კევინ ბიანჩთან საუბრის დროს აღნიშნა, მიუხედავად იმისა, რომ ბილბორდის საუკეთესო 100-ში მისი ცხრა ჰიტი პირველ ადგილს იკავებდა, ასევე უზომოდ უყვარს და იცის 1939 წლის ჯუდი გარლანდის ფილმი და 2003 წლის ტონის გამარჯვებული ბროდვეის პიესა Wicked, მისთვის რეჟისორ ჯონ ჩუს ფანტასტიკურ ახლებურ ვერსიაში როლის მიღება არცთუ ისე მარტივი ყოფილა.
„ეს Wicked-ია! და ის სრულიად განსხვავებულ უნარ-ჩვევებს მოითხოვს, რომლითაც მე ჯერ აქამდე არც კი მიცნობდნენ. დიახ ეს Wicked-ია! და ეს ყველაზე პატივსაცემი რამ არის! ამის ღირსი უბრალოდ უნდა იყო… ეს არის და ეს, წერტილი!“ – ამბობს არიანა გრანდე.
„როცა სპეციფიკური პერსონაჟის როლს ასრულებ, ეს საკმაოდ რთულია. ხალხი დგას შენს გარშემო და გიცნობს, როგორც ერთ კონკრეტულ ადამიანს. ამიტომ, ალბათ უჩნდებათ კითხვა, შეძლებს კი ეს ადამიანი საკუთარი მეს წაშლას და ამ პერსონაჟში გარდასახვას?”
პოდკასტის დროს მომღერალმა გაიხსენა, რომ პირველად Wicked ბროდვეიზე, 10 წლის ასაკში ნახა, რამაც ძალიან აღაფრთოვანა.
არიანა გრანდემ ერთხელ iPod-ში ყველა სიმღერა წაშალა გარდა Wicked-ის საუნდტრეკისა, რაც იმის დასტურია, რომ ეს მისი ოცნების როლია. როდესაც 2020 წელს Covid 19-ის პანდემიამდე ფილმის პროექტის შესახებ ინფორმაცია გავრცელდა, არიანა მზად იყო 2019 წლის Sweetener-ის ტურნე შეეჩერებინა, სახლში წასულიყო და ხმაზე, სამსახიობო დადგმებზე ემუშავა.
არიანა გრანდეს თქმით, მან ზუსტად იცოდა, რომ გლინდას როლი მას უნდა ეთამაშა. როდესაც კრისტინ ჩენოუეთმა პოპ-ვარსკვლავს როლის შესრულებაზე მხარი დაუჭირა, არიანამ ემოციები ვერ შეიკავა: “ჩვენ დიდი ხნის განმავლობაში ვსაუბრობდით ამაზე. ბოლოს ვაღიარე, რომ გლინდას როლის შესრულება მინდოდა.” არიანა გრანდემ კრისტენ ჩენოუეთის რჩევა სთხოვა, თუ როგორ მიეღო ეს როლი.
“მახსოვს, ვუთხარი, რომ ფილმის გადაღებას ახლა იწყებდნენ და მსურდა, გლინდას როლზე სინჯები გამევლო, მან კი მითხრა, მიყვარხარ და ვენდობი შენს გადაწყვეტილებასო. ეს საოცარი მომენტი იყო. კრისტენმა მირჩია, უბრალოდ ის ვყოფილიყავი, ვინც ვარ. მისი აზრით, კარგი ინტუიცია მაქვს და იმის დანახვა შემიძლია, რასაც სხვები ვერ ამჩნევენ.”
Wicked-ის პირველ ნაწილში ასევე მონაწილეობენ ჯეფ გოლდბლუმი, მიშელ იეო, ბოუენ იანგი, ჯონათან ბეილი და მარისა ბოდე. ფილმის პრემიერა 22 ნოემბერს იგეგმება
ნახეთ პოდკასტი, სადაც არიანა გრანდე Wicked-ის შესახებ საუბრობს:
