ზენდეიამ თავისი ბოლო წითელი ხალიჩის კოსტიუმით მოფლიოს ორ ყველაზე ცნობილ ქალს მიაგო პატივი – მათგან ერთ-ერთი კი გამოგონილი პერსონაჟია. კაბა, რომელიც მას ეცვა, მანამდე უიტნი ჰიუსტონისა და Sex and The City-ს პერსონაჟის, ქერი ბრედშოუს გარდერობის ნაწილი იყო.
12 მარტს ლოს-ანჯელესში გამართულ დაჯილდოებაზე – Essence Black Women in Hollywood Awards-ზე მსახიობმა იუჯინ სტუტსმანის (Eugene Stutzman) კაბა მოირგო.
ვარსკვლავის სტილისტმა, ლო როუჩმა ამ ლუქის შესახებ პოსტები სოციალურ ქსელებში გამოაქვეყნა. „მოდის ისტორიის საკულტო ნიმუში Essence Women in Hollywood-ზე,” – დაწერა მან X-ზე.
ინსტაგრამზე გამოქვეყნებულ პოსტში კი აღნიშნა: „და აი, ასე… მე ის ვიპოვე!“
როგორც ლო როუჩმა ინტერნეტ მომხმარებლებს შეახსენა, ჰიუსტონს ამავე დიზაინის კაბა 1987 წელს ეცვა. ვარსკვლავის ფოტო კაბაში ჟურნალ Life-ის გარეკანზე 2012 წელს, ლეგენდარული მომღერლის გარდაცვალების შემდეგ გამოჩნდა.
ცოტა ხნის წინ ლო როუჩი მედიის ყურადღების ცენტრში მოექცა. მან ფაქტობრივად დაადასტურა, რომ ზენდეიამ ტომ ჰოლანდზე საიდუმლოდ იქორწინა. „ქორწილი უკვე შედგა. თქვენ ის გამოტოვეთ,” – უთხრა მან რეპორტიორს ვიდეოში, რომელიც ინტერნეტში ვირუსულად გავრცელდა.
ზენდეიას წელს არაერთი პროექტი აქვს: ის რობერტ პატინსონთან ერთად მონაწილეობს ფილმში – The Drama. ზენდეია ასევე ასრულებს რუ ბენეტის როლს HBO-ს სერიალში – Euphoria, რომელიც მესამე სეზონით დასრულდება. ორივე მათგანის პრემიერა აპრილში იგეგმება.
Euphoria-სთან დაკავშირებით კითხვები გააჩინა Labrinth-მა – მუსიკოსმა, რომელიც სერიალის ყველა სეზონის კომპოზიტორია და ზენდეიასთან ერთად, ერთ-ერთ მთავარ ჰიტზე – I’m Tired-ზე. იმუშავა. მან 13 მარტს ინსტაგრამზე პოსტი გამოაქვეყნა: „ამ ინდუსტრიასთან საქმე დავასრულე. ფეხებზე მკიდია Columbia (ხმისჩამწერი ლეიბლი). ორმაგად ფეხებზე მკიდია „ეიფორია“.
