ნინი ნუცუბიძემ Skazz-ის სიმღერის – „მდევარის“ ახლებურ ვერსიაზე იმუშავა. ტრეკი შესულია არტისტის სადებიუტო ალბომში – In My DNA, რომელიც პირველ აპრილს გამოიცემა.
„მდევარი“ Skazz-ის სიმღერის ახლებური ხედვაა, რომელიც „ვინდა და ეკოს“ ტრეკში – „თერაპიაში“ გადადის. უდიდესი მადლობა ავტორებს იმისთვის, რომ გვანდეს საკუთარი შემოქმედება და მოგვცეს საშუალება, ის ჩვენებურად ინტერპრეტირებული გაგვეჟღერებინა!” – წერს ნინი ნიცუბიძე სოციალურ ქსელში.
სიმღერის ტექსტისა და მუსიკის ავტორები Skazz, ერეკლე დეისაძე და Vinda Folio არიან. ნამუშევრის პროდიუსინგი ნინი ნუციბიძეს, ნიკალა ზუბიაშვილსა და გიორგი ცაგარელს ეკუთვნით. საორკესტრო არანჟირების ავტორია გიორგი ცაგარელი, რომელიც თავადვე ასრულებს სოლო ვიოლინოსა და ბექ ვოკალს, კლავიშის პარტიას კი ლუკა თოფურია ასრულებს.
In My DNA-ში შესული 11 ტრეკი აერთიანებს როგორც არტისტის საავტორო ნამუშევრებს, ისე კოლაბორაციებს სხვა მუსიკოსებთან. ალბომი ლეიბლ Break Records-ზე გამოიცა.
„ძალიან მინდა, რომ ამ ალბომში თითოეულმა თქვენგანმა ერთი საყვარელი სიმღერა მაინც იპოვოს. მადლობა ყველას, ვინც ჩემი სადებიუტო ალბომის შექმნაში მიიღო მონაწილეობა და დამეხმარა, რომ ის ნამდვილად „ჩემი“ ყოფილიყო.” – ვკითხულობთ ნინი ნუცუბიძის პოსტში.
