ქართულმა მუსიკალურმა ჯგუფმა 4D Monster Lobsters ახალი კლიპი გამოუშვა, რომელიც გადაღებულია სიმღერაზე – Paravani. მუსიკალურ ვიდეოზე Papa Production-მა იმუშავა, ვიდეოს რეჟისორი კი ნიკიტა ადამიაა.
კლიპის გამოშვებასთან ერთად 4D Monster Lobsters-ს მსმენელისთვის სიახლეც აქვს – ბენდმა ახალი ალბომი, სახელწოდებით Travel Guide დააანონსა, რომელიც 15 აპრილს გამოვა.
4D Monster Lobsters 2019 წელს დაარსდა. ბენდის წევრების თქმით, ჯგუფი ქართულ მუსიკალურ მემკვიდრეობას სინთ-პოპსა და ფსიქოდელიურ გავლენებთან აერთიანებს და ქმნის ჟანრებს მიღმა არსებულ ჟღერადობას. ჯგუფი ცნობილია თავისი ენერგიული პერფორმანსებით, რის გამოც ბოლო წლებში ფესტივალებზე აუდიტორიის დიდი მოწონება დაიმსახურა.
