9, 10 და 11 ივნისს კოტე მარჯანიშვილის სახელობის სახელმწიფო დრამატული თეატრის დიდ სცენაზე პრემიერა გაიმართება. რეჟისორ ილია ქორქაშვილის ახალი სპექტაკლი „კლინიკური შემთხვევა“ დინო ბუცატის ამავე სახელწოდების პიესას ეფუძნება. დადგმის კომპოზიტორია ანა ქორქაშვილი, რომელიც მუსიკალურ სცენაზე ცნობილია ფსევდონიმით – Sky Collar.
კოსტიუმებისა და სცენოგრაფიის ავტორი ლევან კვარაცხელიაა, ხოლო ვიდეოპროექციაზე დათა დვალიშვილმა იმუშავა. ტექსტი იტალიურიდან გიორგი ბუხნიკაშვილმა თარგმნა.
სპექტაკლში მონაწილეობენ: ბექა ხაჩიძე, ქეთი ჩხეიძე, ნატა ბერეჟიანი, ანიკო ეზიაშვილი, ნინო ანანიაშვილი, ნინი მაჭავარიანი, ალეკო მახარობლიშვილი, თენგიზ პაპიძე, პაატა ინაური, ნინო გაჩეჩილაძე, ჯეჯი სხირტლაძე, ნატალია გაბისონია, ელენე ჭავჭავაძე, გიორგი სირბილაძე, ანუკი ბუბუტეიშვილი, ნოდარ ძოწენიძე, ბაია დვალიშვილი, შაკო მირიანაშვილი, ზაზა გოგუაძე და ნინი ნოზაძე.
ბილეთების შესაძენად ეწვიეთ ბმულს.
