24 ივნისს ჯგუფმა „მგზავრები“ ახალი სიმღერა „ჩემი ქვეყანა“ და მასზე გადაღებული ვიდეოკლიპი გამოაქვეყნა. ახალ პროექტში აქცენტი ქართულ კულტურასა და მრავალსაუკუნოვან ტრადიციებზე კეთდება, რომელიც ქვეყნის ტურისტულ პოტენციალს უსვამს ხაზს.
ჯგუფის ფრონტმენი გიგი დედალამაზიშვილი ახალი ნამუშევრის იდეასა და კონცეფციაზე საუბრობს:
„ეს სიმღერა ჩვენი და „ბადაგონის“ საერთო პროექტია, რომელიც საქართველოსა და ქართულ ვაზს მივუძღვენით. გვინდოდა, შეგვექმნა ნამუშევარი, რომელიც დასამახსოვრებელი იქნებოდა და ქვეყნის ტურისტულ ხიბლსაც წარმოაჩენდა. ზვიად ციკოლიამ გადაიღო ახალგაზრდული, შეიძლება ითქვას, ტურისტული კლიპი, რომელიც ორი დღის წინ გამოვიდა.“
ვიზუალურ მხარეზე და კლიპის წარმოებაზე კომპანია FILMORIUM PICTURES-მა იზრუნა. კლიპის რეჟისორი და პროდიუსერი ზვიად ციკოლიაა, დამდგმელი მხატვარი კი კესანე ბაბუნაშვილი.
მოისმინეთ და ნახეთ ჯგუფის ახალი ნამუშევარი „ჩემი ქვეყანა“
