ქალაქის ყველაზე მასშტაბური მუსიკალური ფესტივალი Tbilisi Open Air 2026 უკვე ახლოსაა. 4-5 ივლისს Lisi Wonderland კიდევ ერთხელ მუსიკის, თავისუფლებისა და ფესტივალური კულტურის ეპიცენტრად გადაიქცევა. წელს Tbilisi Open Air საიუბილეო, მე-15 წელს აღნიშნავს და სტუმრებს განსაკუთრებულ პროგრამას, ახალ სცენებს და მრავალფეროვან აქტივობებს ჰპირდება.
ფესტივალი 4 ივლისს დაიწყება. Lisi Wonderland-ის კარი კი სტუმრებისთვის 14:00 საათზე გაიხსნება.
მრავალი გამოწვევის მიუხედავად, ფესტივალი ტრადიციულ სივრცეში კვლავ ათასობით მუსიკის მოყვარულს გააერთიანებს. ორგანიზატორების თქმით, წლევანდელი ღონისძიება განსაკუთრებული იქნება, როგორც მუსიკალური პროგრამით, ასევე ფესტივალის ინფრასტრუქტურით.
Tbilisi Open Air წელს TOA-ს ერთ-ერთი ყველაზე გამორჩეული და საყვარელი სივრცის – Zion Garden-ის 10 წლის იუბილესაც აღნიშნავს. გარდა ამისა, წელს პირველად, თავისი ჩვეული ფერადი განწყობითა და განსაკუთრებული ენერგიით, ფესტივალის სცენას MZESUMZIRA შეუერთდება, რომელიც მსმენელს მრავალფეროვან ელექტრონულ პროგრამას შესთავაზებს.
სპორტის გულშემატკივრებისთვის სპეციალური ზონაც მოეწყობა. ტერიტორიაზე განთავსდება სპეციალური სივრცე, სადაც ფეხბურთის მსოფლიო ჩემპიონატის ოთხი მერვედფინალური მატჩის ყურება დიდ ეკრანზე იქნება შესაძლებელი.
ტერიტორიაზე ასევე იმუშავებს MED11-ის სამედიცინო პუნქტი, რომელიც სტუმრების ჯანმრთელობასა და უსაფრთხოებაზე იზრუნებს.
ფესტივალზე დასასწრებად, დღიურ აბონემენტებთან ერთად, ასევე ხელმისაწვდომი იქნება ღამის მუსიკალური ბილეთებიც. მათი შეძენა შესაძლებელია ცალკე, სპეციალურად Mzesumzira-სა და Zion Garden-ის ღამის პროგრამაზე დასასწრებად.
4 ივლისის მუსიკალური განრიგი კი ასე გამოიყურება:
მთავარი სცენა (Main Stage)
17:20 – Newcomer 2026
18:05 – Afternoon Version
19:00 – Jay-Jay Johanson
20:20 – Skazz x MokuMoku
21:50 – Bedford Falls
23:30 – Slowdive
MZESUMZIRA
დღის პროგრამა
14:00 – So Laut
ღამის პროგრამა
01:00 – Kdema b2b Tomma
04:00 – Matias Aguayo
07:00 – Nika J
Zion Garden
დღის პროგრამა
15:00 – Forsun
ღამის პროგრამა
01:00 – Ace Ventura
03:00 – Chikovani
05:00 – SicHead
06:30 – Dimitree
08:00 – Acidwave
Tbilisi Open Air 2026 წელსაც საერთაშორისო და ქართული მუსიკალური სცენის წარმომადგენლებს აერთიანებს. ფესტივალის სტუმრებს კი ორი დღის განმავლობაში მრავალფეროვანი ლაინაფი და სხვადასხვა ჟანრის ცოცხალი შესრულებები ელოდებათ.
ბილეთების შეძენა შესაძლებელია ბმულზე.
