16 ოქტომბერს ბექა გოჩიაშვილის ახალი ალბომი – Bjazz11 – Be-Hop Vol.1 გამოვიდა. ერთ-ერთი სინგლი Bird Tale, რომელიც ჩანაწერშია შესული, კატო კვარაცხელიასთან ერთად ჩაიწერა. მუსიკა თავად კატო კვარაცხელიას ეკუთვნის, ხოლო ტექსტი – ნინი ნუცუბიძეს.
კატო კვარაცხელია:
„ჯერ კიდევ ბევრი წლის წინ, როცა ეს სიმღერა დავწერე, ბექას გავუგზავნე და მას ძალიან მოეწონა. შემდეგ ნინი ნუცუბიძემ ტექსტი დაწერა და ბექამ შემოგვთავაზა, რომ ამ ალბომისთვის ჩაგვეწერა, რამაც ძალიან გამახარა.“
ბექა გოჩიაშვილი:
„გარდა იმისა, რომ კატო კვარაცხელია ჩემი მეგობარია, ის ის ადამიანია, ვისთანაც მუსიკალურად სრულიად ვთანხმდები. ვფიქრობ, ეს სიმღერა ალბომის ერთ-ერთი ჰაილაითია. ძალიან ლირიკული და ლამაზი ნამუშევარია, ძალიან კარგი ტექსტით. არ არის მარტივი, რომ ჰიპ-ჰოპ ალბომს ასე მოუხდეს ქართული სიმღერა.“
რაც შეეხება ალბომს, Bjazz11 – Be-Hop Vol.1 დამოუკიდებელ ლეიბლ Street Poetry Records-ზე გამოიცა.
ალბომის კრედიტები:
პროდიუსერი: Bjazz11 (ბექა გოჩიაშვილი)
კლავიში: Bjazz11
ვოკალი / MC: MC Cutkill (ამიკო ნინუა), კატო კვარაცხელია
მუსიკოსები: Blaque Dynamite (მაიკ მიტჩელი), Joe Cleveland
მიქსინგი: თორნიკე გველესიანი
მასტერინგი: Analogcut
