ნიკა კოჩაროვმა და ზურა ჯიშკარიანმა, სასცენო სახელით DillaNext, მსმენელს ახალი მუსიკალური ნამუშევარი წარუდგინეს, რომლის გამოსვლაც არტისტებმა Zmuki Podcast-ში დააანონსეს.
სიმღერა, სახელწოდებით „ცა პირობებს არ არღვევს!“ მუსიკალურ პლატფორმებზე 19 ოქტომბერს გამოქვეყნდა.
ნამუშევარი ორი განსხვავებული არტისტის საინტერესო კოლაბორაციაა, სადაც სიმღერის სათაურიც თავისთავად აჩენს ფიქრის სივრცეს: ცა, როგორც თავისუფლებისა და უცვლელი ღირებულებების სიმბოლო.
მუსიკის ავტორი ნიკა კოჩაროვია, ტექსტი ზურა ჯიშკარიანს ეკუთვნის, მიქსინგსა და მასტერინგზე კი გიორგი გვარჯალაძემ (გვაჯი) იმუშავა.
ახალი სინგლი მსმენელს არტისტების შემოქმედებითი თანამშრომლობის კიდევ ერთ მხარეს აცნობს. სიმღერა უკვე ხელმისაწვდომია მუსიკალურ პლატფორმებზე.
მოუსმინეთ ნიკა კოჩაროვისა და DillaNext-ის ახალ ნამუშევარს:
