მომღერალი ცოტა ხნის წინ სოციალურ ქსელში გულშემატკივრებს, (Bardi Gang) გამოეხმაურა და აცნობა, რომ უახლოეს მომავალში უფრო აქტიურად გამოჩნდება. მისი თქმით, ბოლო რამდენიმე თვის განმავლობაში საჯაროდ ისე ხშირად აღარ ჩნდებოდა.
„Bardi Gang-ს მინდა მივმართო. ვიცი, რომ ჩემგან სიახლეებს ელოდებით, გინდათ, ხშირად გამოვჩნდე და უფრო აქტიური ვიყო“, – განაცხადა Cardi B-იმ. მისი თქმით, ამის მიზეზი შესაძლოა რეტროგრადული მერკური იყოს.
„ბოლო რამდენიმე თვის განმავლობაში გარკვეული სირთულეების გადატანა მომიხდა. არ ვიცი, ეს რეტროგრადული მერკურის, ვენერას თუ სხვა რომელიმე პლანეტის ბრალია, მაგრამ, ძვირფასებო, ამ პერიოდმა ლამის გამანადგურა. ეს რეტროგრადი ყველას გვტანჯავს. თუ სახლში რთული პერიოდი გაქვთ, გულწრფელად მჯერა, რომ ამის მიზეზი სწორედ ეს პერიოდია. მაგრამ მერწმუნეთ, ყველაფერი მალე დასრულდება. გჯერათ თუ არა ამის, მე მაინც მგონია, რომ მიზეზი ეს არის, რადგან ჩემს გარშემო ყველა რაღაც პრობლემას აწყდება. მადლობა ღმერთს, რომ მხოლოდ მე არ ვარ ასეთ მდგომარეობაში“, – აღნიშნა მან.
Cardi B-იმ დასძინა: „ჯოხებმა და ქვებმა შეიძლება ძვლები დამიმტვრიონ, მაგრამ სიტყვები? სიტყვები ვერაფერს დამაკლებს, ჩემო კარგებო, ასე რომ, ნუ ინერვიულებთ. ჩემს სუპერძალებს ვიბრუნებ. ძალიან მიყვარხართ!“
Bardi Gang-ს სანერვიულო არაფერი აქვს – Cardi B მალე კვლავ აქტიურად გამოჩნდება, მათ შორის, Grand Theft Auto VI-ის წყალობით.
რეპერი და მედიასახე დიდი ხნის ნანატრი ვიდეოთამაშის გამოსვლას განსაკუთრებულად აღნიშნავს. თამაში 19 ნოემბერს გამოვა, 21 ნოემბერს კი მაიამიში გაიმართება ღონისძიება Grand Theft Auto VI: The Festival, სადაც Cardi B ტრევის სკოტთან და მის მუსიკალურ ლეიბლ Cactus Jack-თან ერთად მთავარი ჰედლაინერი იქნება.
გარდა ამისა, 24 ნოემბერს Cardi B ტორონტოში, Billboard Canada Women in Music-ის ფარგლებში, Billboard Canada-ს ისტორიაში პირველი „წლის გლობალური ქალის“ ჯილდოს მიიღებს.
ცოტა ხნის წინ მომღერალმა უმცროსი შვილის პირველი ფოტოებიც გამოაქვეყნა. შვილი მას ამერიკული ფეხბურთის გუნდის, Washington Commanders-ის მოთამაშე სტეფონ დიგსისგან ჰყავს. მათი ვაჟი ახლახან ერთი წლის გახდა.
