Red Hot Chili Peppers-ის ვიდეოკლიპმა სიმღერაზე Californication ოფიციალურად ერთ მილიარდ ნახვას მიაღწია.
კლიპის სიუჟეტი ვიდეოთამაშში ვითარდება, რომლის გმირებიც ბენდის წევრების ავატარები არიან. Californication ჯგუფის პირველი ვიდეო გახდა, რომელსაც მილიარდი ნახვა აქვს. Youtube-ის მონაცემებით, 2022 წელს კლიპს დღეში საშუალოდ 290 000 ნახვა ჰქონდა.
Californication, რომელიც ბენდის მეშვიდე, ამავე სახელწოდების ალბომის მთავარი სიმღერაა, Red Hot Chili Peppers-მა 2000 წელს სინგლის სახით გამოუშვა.
წელს ჯგუფი 6-წლიანი პაუზის შემდეგ ორი ალბომით დაბრუნდა – Unlimited Love და Return of the Dream Canteen. 2023 წელს კი Red Hot Chili Peppers მსოფლიო ტურნეს იწყებს. ტურნეს ფარგლებში მათ The Roots, იგი პოპი, The Mars Volta და სხვა შემსრულებლები შეუერთდებიან.
ნახეთ ვიდეოკლიპი სიმღერაზე Californication
