ცნობილი ამერიკელი პოპ შემსრულებელი The Weeknd კომპოზიციაზე Out of Time გადაღებულ ვიდეორგოლს ავრცელებს, რომელშიც სატელევიზიო შოუს Squid Game ვარსკვლავი, ჰოიონ იუნგი და მსახიობი ჯიმ ქერი მონაწილეობენ.
• The Weeknd-ის ჰიტებმა Blinding Lights და Starboy ბრილიანტის სტატუსი დაიმსახურეს
კლიპის სიუჟეტის თანახმად, უიქენდი და იუნგის პერსონაჟი ერთმანეთს ლიფტში ხვდებიან. საღამოს კი სვამენ, ცეკვავენ და მღერიან, თუმცა, მათი გართობა ჯიმ ქერის ხმის გაჟღერებისთანავე სრულდება.
კანადელმა მუსიკოსმა, აბელ ტესფაიემ, სასცენო სახელით The Weeknd, შემოქმედებითი მოღვაწეობა 2010 წელს დაიწყო. მან სახელი მიქსტეიპებით House Of Balloons, Thursday და Echoes Of Silence გაითქვა, რომლებიც მოგვიანებით კომპილაციური ალბომის სახით გამოუშვა.
2013 წელს უიქენდმა სადებიუტო სტუდიური ალბომი Kiss Land გაავრცელა. ორი წლის შემდეგ გამოცემული Beauty Behind the Madness კი მისი პირველი ჩანაწერი გახდა, რომელიც Billboard 200-ის სათავეში მოხვდა. წარმატებული აღმოჩნდა მუსიკოსის ალბომები Starboy და After Hours, რომლებმაც ჩარტებში ლიდერი პოზიციის გარდა, კრიტიკოსებისგან დადებითი შეფასებები დაიმსახურეს. დღეისთვის ბოლო, მეხუთე ნამუშევარი Dawn FM უიქენდმა 2020 წლის იანვარში გამოუშვა. ოთხი გრემის მფლობელი მუსიკოსის შემოქმედება ალტერნატიული არენბისა და პოპის სინთეზია.
