20 წლის პოპვარსკვლავი, ბილი აილიში და მისი ძმა, პროდიუსერი ფინეასი სერიალ “სიმფსონების” ახალი ეპიზოდის When Billie Met Lisa სტუმრები არიან. სცენარის თანახმად, ჯაზ მუსიკოსი ლიზა გრემის მფლობელ შემსრულებლებს შემთხვევით ხვდება. ეპიზოდი პლატფორმაზე Disney+ 22 აპრილს გახდება ხელმისაწვდომი.
Billie is guest starring in @TheSimpsons: “When Billie Met Lisa”, the new short streaming April 22 on @disneyplus. pic.twitter.com/baLe70Gxad
— billie eilish (@billieeilish) April 14, 2022
Bucket list https://t.co/RYlEYbT9MR
— FINNEAS (@finneas) April 14, 2022
აღსანიშნავია, რომ მარტის ეპიზოდში Bart the Cool Kid ლიზას ძმა, ბარტი კანადელი მომღერლის, The Weeknd-ის პერსონაჟს, ორიონ ჰიუზს შეხვდა. ეს უკანასკნელი სიმფსონს ასწავლიდა, როგორ უნდა იყოს მაგარი ბავშვი. ბარტის მამა, ჰომერი კი სამეზობლოში კაცებს არწმუნებდა, რომ ორიონის სტილი მოერგოთ.
სერიალ “სიმფსონებში” ისეთ მუსიკოსებს მიუღიათ მონაწილეობა, როგორებიც არიან: ჯონი ქეში, პოლ მაკკარტნი, ჯეიმს ბრაუნი, ბრიტნი სპირსი, ჯასტინ ბიბერი, ტონი ბენეტი, მაიკლ ჯექსონი, ლედი გაგა, ედ შირანი და სხვები.
ბილი აილიში და ფინიას ო’კონელი დღესდღეობით მუსიკის ინდუსტრიაში ყველაზე პოპულარული და-ძმა არიან. 2020 წლის დასაწყისში არტისტებმა საძინებელ ოთახში ჩაწერილი ალბომით When We All Fall Asleep, Where Do We Go? ამერიკის ხმის ჩამწერი აკადემიისგან 5-5 გრემის ჯილდო დაიმსახურეს. მოგვიანებით მათ ჯეიმს ბონდის რიგით 25-ე, ამავე სახელწოდების ფილმისთვის დაწერილი კომპოზიცია No Time To Die გაავრცელეს, რომელმაც ოსკარი, ოქროს გლობუსი და გრემი მიიღო. ფინიასი საკუთარ მუსიკასაც წერს, აგრეთვე, თანამშრომლობს ისეთ არტისტებთან, როგორებიც არიან: ჯასტინ ბიბერი, კამილა კაბეიო და სხვები.
