Megan Thee Stallion, RHCP და სხვები ბილბორდის დაჯილდოებაზე პერფორმანსს გამართავენ

ფოტო: Kevin Mazur/Getty Images

2022 წლის ბილბორდის მუსიკალური დაჯილდოება 15 მაისს ჩატარდება. ტელეკომპანია NBC-მ იმ მუსიკოსთა ნაწილი დაასახელა, რომლებიც ღონისძიებაზე პერფორმანსს გამართავენ. ლას ვეგასში MGM Grand Garden Arena-ს სცენას რეპერი Megan Thee Stallion, როკ ბენდი Red Hot Chili Peppers, ჰიპ ჰოპ არტისტი Latto, ნიგერიელი მომღერალი Burna Boy და პუერტორიკოელი მუსიკოსი Rauw Alejandro დაიკავებენ.

ნახეთ: ბილბორდის მუსიკალური დაჯილდოების ნომინაციები

მეგანი და ლატო, რომლებიც საუკეთესო ქალი რეპერის ნომინაციაშიც არიან წარდგენილი ქარდი ბისთან ერთად, ცერემონიაზე პერფორმანსს პირველად გამართავენ. Red Hot Chili Peppers კი ბილბორდის დაჯილდოების სცენას 23-წლიანი პაუზის შემდეგ დაუბრუნდება. აღსანიშნავია, რომ კოლექტივის ბოლო ალბომი Unlimited Love გასულ კვირას ჩარტის Billboard 200 სათავეში მოხვდა. ღონისძიებაზე პირველად იმღერებენ ბურნა ბოი და როუ ალეხანდროც.

როგორც გასულ კვირას დაანონსდა, წელს Icon Award არენბი შემსრულებელ მერი ჯეი ბლაიჯს გადაეცემა. წარსულში ეს პრესტიჟული ჯილდო ერგოთ ფინქს, მერაია ქერის, შერს, სელინ დიონს, ჯენეტ ჯექსონს, გართ ბრუქს და სხვებს.

ჯერჯერობით უცნობია, ვინ წაიყვანს ბილბორდის მუსიკალური დაჯილდოების წლევანდელ ცერემონიას და რომელ არტისტს გადაეცემა სპეციალური ჯილდო Change Maker Award სოციალურ და სამოქალაქო აქტივიზმში შეტანილი წვლილისთვის.

ბილბორდის მუსიკალური დაჯილდოებაზე გამარჯვებულები გამოვლინდებიან ფიზიკურ და ციფრულ ფორმატში ალბომებისა და ჩანაწერების გაყიდვების, სტრიმინგის, რადიოში გაჟღერების და სოციალურ ქსელებში ინტერაქციის მიხედვით, რასაც ბილბორდი და მისი პარტნიორები, მათ შორის Luminate (ყოფილი MRC Data) დაითვლის.

Share
Tweet
Share
Share
Share

წინა სტატია

ნახეთ: ნიკი მინაჟმა კომპოზიციაზე We Go Up კლიპი გადაიღო

შემდეგი სტატია

David Guetta-ს კლიპის Bad ნახვებმა იუთუბზე მილიარდს გადააჭარბა

შეიძლება დაგაინტერესოთ

The National- ფოტო: ჯოშ გოლმენი

The National-ის ჯგუფის წევრი ბრაის დესნერი ტეილორ სვიფტთან თანამშრომლობის შესახებ საუბრობს: “ჩვენ მისი დიდი გულშემატკივარნი ვართ”

The National - ტეილორ სვიფტთან ადრეც მუშაობდა, მისი ალბომის - Evermore-ის სიმღერაზე - Coney Island. ახალი თანამშრომლობით კი სიმღერა The Alcott - შეიქმნა.
მეტი
ირენ კარა

ფილმების Fame და Flashdance ვარსკვლავი ირენ კარა 63 წლის ასაკში გარდაიცვალა

„ის იყო კეთილი და ნიჭიერი ადამიანი, რომლის შემოქმედებითი მემკვიდრეობა ყოველთვის იცოცხლებს მუსიკასა და კინოში.“ - აღნიშნა ირენ კარას საზოგადოებასთან ურთიერთობის მენეჯერმა.
მეტი