ნიუ იორკელი ჰიპ ჰოპ შემსრულებელი, ნიკი მინაჟი ფავიო ფორეინთან ერთად ჩაწერილ კომპოზიციაზე We Go Up გადაღებულ ვიდეორგოლს ავრცელებს. კლიპში არტისტები მშობლიურ ქალაქში კერძო თვითმფრინავით ჩადიან, შემდეგ კი მის ქუჩებში “ფერარისა” და “ლამბორგინის” მარკის ავტომობილებით დადიან.
აღსანიშნავია, რომ ნიკიმ We Go Up-ის ვიდეორგოლის გამოშვებამდე, გასულ კვირას კოი ლირეისთან ერთად ჩაწერილი ტრეკი Blick Blick გამოაქვეყნა, მანამდე კი გაავრცელა რეპერ ლილ ბეიბის მონაწილეობით შექმნილი კომპოზიციები: Do We Have a Problem? და Bussin,
მიმდინარე წლის თებერვალში, ჯეიმს კორდენის შოუში სტუმრობისას, მინაჟმა გაამხილა, რომ ახალი ალბომი ზაფხულამდე ჩაეშვება გაყიდვაში.
ნიკი მინაჟმა მუსიკალური კარიერა 2004 წელს დაიწყო. თანამედროვე ჰიპ ჰოპის ერთ-ერთი ყველაზე პოპულარული ქალი შემსრულებლის წარმატება დიდწილად გაერთიანებას Cash Money Records უკავშირდება. რეპერის შემოქმედება კომერციულად წარმატებულ 4 სტუდიურ ალბომსა და არაერთ კოლაბორაციულ ნამუშევარს აერთიანებს. მუსიკოსი გრემის 10 ნომინაციაზეც იყო წარდგენილი, თუმცა, პრესტიჟული ჯილდოს მოპოვება ჯერჯერობით ვერ შეძლო. მას, მსოფლიო მასშტაბით, 100 მილიონზე მეტი ჩანაწერი აქვს გაყიდული, რის გამოც კომერციულად ერთ-ერთ ყველაზე წარმატებულ მუსიკოსად ითვლება.
