ნახეთ: Psy და Hwa Sa კლიპს Now ავრცელებენ

ფოტო: P NATION Corporation

ცნობილი კეიპოპ არტისტი Psy და ჯგუფ MAMAMOO-ს წევრი Hwa Sa ერთობლივ კომპოზიციაზე Now გადაღებულ ვიდეორგოლს ავრცელებენ. ჯერმეინ ჯექსონისა და პია ზადორას სიმღერის When the Rain Beings to Fall ქავერ ვერსიაზე შექმნილ კლიპში ფსაი უცნობ მამაკაცს ეჯახება, რომელიც მოულოდნელად სატელეფონო ჯიხურში ხვდება და რეკვას იწყებს.

მოუსმინეთ: Psy ახალ ალბომს Psy 9th ავრცელებს

ნახეთ: Psy და შუგა კლიპს That That ავრცელებენ

ვერტიკალურ ვიდეოში ფსაის მომწვანო კოსტიუმი აცვია, ჰვა სას კი ლურჯი სამოსი. ისინი სიმღერის პარალელურად მოცეკვავეებთან ერთად ცეკვავენ. როგორც ჟურნალ Billboard-თან ინტერვიუში კეიპოპ შემსრულებელმა აღნიშნა, რომ არა ჰვა სა, ის ამ კომპოზიციას ახალ ალბომში Psy 9th არ შეიტანდა.

“მას პირადად არ ვიცნობდი. თუმცა, დავუკავშირდი და განვუმარტე, რომ მინდოდა კლასიკური სიმღერის ალტერნატიული ვერსიის შექმნა, რომელსაც ქალი და მამაკაცი შეასრულებდნენ. ვუთხარი – “ქალი ენერგიის მატარებელი უნდა იყოს, ამიტომ ვფიქრობ, რომ ეს შენ უნდა იმღერო. ჩანაწერს გამოგიგზავნი, მაგრამ წინასწარ რა აზრის ხარ?” მიპასუხა, რა თქმა უნდა, ვითანამშრომლებო. ამ გოგოს დიდი ფანი ვარ-მეთქი, გავიფიქრე, ტრეკის მოსმენის გარეშე დამთანხმდა”, – გაიხსენა ფსაიმ.

პაკ ჩესანმა შემოქმედებითი მოღვაწეობა 2001 წელს დაიწყო. მან მსოფლიო პოპულარობას ჰიტით Gangnam Style მიაღწია, რომელმაც ბილბორდის ცხელ ასეულში მეორე პოზიცია დაიკავა. ამასთან, მასზე გადაღებული კლიპი პირველი ვიდეო გახდა იუთუბზე, რომლის ნახვებმაც მილიარდს გადააჭარბა. წარმატება ხვდა წილად მუსიკოსის კიდევ ერთ სინგლს Gentleman, რომელიც Billboard Hot 100-ში მეხუთე ადგილზე გავიდა. შემსრულებელს დღემდე 9 სტუდიური ალბომი აქვს გამოშვებული.

ჰვასა სამხრეთკორეელი მომღერალი, რეპერი, სონგრაითერი და მოდელია. ის ცნობილ კოლექტივს Mamamoo 2014 წელს შეუერთდა. სოლო კარიერა კი 2019 წელს დაიწყო, როდესაც სინგლი Twit გამოუშვა.

Share
Tweet
Share
Share
Share

წინა სტატია

ნახეთ: კელი კლარკსონი ჰიტს King of Wishful Thinking ასრულებს

შემდეგი სტატია

BTS-ის კრებულში Proof სამი ახალი კომპოზიცია შევა

შეიძლება დაგაინტერესოთ

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი