პოპ შემსრულებელმა, კელი კლარკსონმა ტელეკომპანია NBC-ის ეთერში, საავტორო გადაცემის The Kelly Clarkson Show მუსიკალურ ნაწილში Kellyoke, ამერიკელი მომღერლის, ჯონ ლეჯენდის კომპოზიცია In My Mind შეასრულა.
• ნახეთ: კელი კლარკსონმა Heartbreak Anthem იმღერა
ლეჯენდმა ტრეკი 2021 წელს ბრაზილიელ მუსიკოს Alok-თან თანამშრომლობით გამოუშვა, რასაც მოჰყვა ქერი ანდერვუდთან ერთად ჩაწერილი Hallelujah.
კელი კლარკსონმა პოპულარობა 2002 წელს შოუში American Idol გამარჯვებით მოიპოვა. ამავე წელს გამოსული მისი კომპოზიცია A Moment Like This ბილბორდის ცხელი ასეულის სათავეში მოექცა და წლის ყველაზე გაყიდვადი სინგლის სტატუსი დაიმსახურა. გრემის სამი ჯილდოს მფლობელ არტისტს კარიერის განმავლობაში 25 მილიონზე მეტი ალბომი აქვს გაყიდული. მუსიკოსს განსაკუთრებული წარმატება სიმღერებმა: Because Of You, Stronger, Since U Been Gone და Breakaway მოუტანა.
