ნახეთ: BTS ქორეოგრაფიულ ვიდეოს ავრცელებს

ფოტო: BIGHIT MUSIC

ცნობილი სამხრეთკორეული ბოიბენდი BTS ქორეოგრაფიულ ვიდეოს ავრცელებს, რომელშიც ბიჭები თავიანთ 2017 წლის კომპოზიციაზე Best of Me ცეკვავენ.

ნახეთ: BTS-ის ფოტოები თეთრი სახლიდან

“შენთან ჩემი თავის საუკეთესო ვერსია ვარ, ამიტომ გთხოვ, არ მიმატოვო”, – ბიჭები კადრებში სიმღერის ამ ტექსტზე სინქრონულად ცეკვავენ.

სიმღერა Best of Me სტუდიურ ნამუშევარში Love Yourself: Her არის წარმოდგენილი. ის ჯეი ჰოუპმა, შუგამ და არემმა დაწერეს. კომპოზიცია ბილბორდის ცხელ ასეულში არ მოხვედრილა, თუმცა, ალბომი Billboard 200-ის ჩარტში მეშვიდე ადგილზე გავიდა და მასში ჯამში 44 კვირა გაატარა.

“ბითიესი” 10 ივნისს კრებულს Proof ჩაუშვებს გაყიდვაში. სამი კომპაქტ დისკისგან შემდგარი ნამუშევარი კოლექტივის 9-წლიანი მოღვაწეობის აღსანიშნავად გამოიცემა. მასში წარმოდგენილი იქნება ჰიტები: Butter, Dynamite, Boy With Luv, აგრეთვე, სიმღერების დემო ვერსიები და ახალი კომპოზიციებიც. 

BTS სეულში 2013 წელს ჩამოყალიბდა. მუსიკოსებს განსაკუთრებული პოპულარობა სიმღერებმა Dope, Fire, DNA და I Need U მოუტანა. 2019 წელს “ბითიესი” ბილბორდის დაჯილდოებაზე საუკეთესო ჯგუფად აღიარეს. ამასთან, ის გრემის ისტორიაში პირველი სამხრეთკორეული პროექტი გახდა, რომელიც ღონისძიებაზე პერფორმანსით წარდგა. კოლექტივს დღემდე 9 სტუდიური ალბომი აქვს გამოცემული. აღსანიშნავია, რომ ბენდი მათ იაპონურ ენაზეც უშვებს. ბიჭებს ისეთ ვარსკვლავებთან უთანამშრომლიათ, როგორებიც არიან: Halsey, Megan Thee Stallion, Coldplay და სხვა.

Share
Tweet
Share
Share
Share

წინა სტატია

Queen ფრედი მერკურის აქამდე უცნობ ჩანაწერს გამოუშვებს

შემდეგი სტატია

მოუსმინეთ: ფოსთ მელოუნი ორ ახალ კომპოზიციას ავრცელებს

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი