ცნობილი ამერიკელი მომღერალი, ჰოლზი სინგლის So Good ვიდეორგოლის თიზერს ავრცელებს. კლიპში მისი შეყვარებული ალევ აიდინი მონაწილეობს, რომელიც ვიზუალური ნამუშევრის რეჟისორიცაა. მუსიკოსის თქმით, კომპოზიცია ცხრა, ხოლო ვიდეო 10 ივნისს გამოქვეყნდება.
ჰოლზიმ ბოლო ალბომი If I Can’t Have Love, I Want Power შარშან გამოუშვა. ჩანაწერის აღმასრულებელი პროდიუსერები Nine Inch Nails-ის ატიკუს როსი და ტრენტ რეზნორი არიან.
ეშლი ფრანჯიპანმა, სასცენო სახელით Halsey, მუსიკალური მოღვაწეობა 2012 წელს დაიწყო. ის საკუთარ კომპოზიციებს სოციალური ქსელებზე დამოუკიდებლად აქვეყნებდა, რის შემდეგაც ლეიბლებმა შეამჩნიეს. 2014 წლის ბოლოს მომღერალმა სადებიუტო EP სახელწოდებით Room 93 გამოუშვა. არტისტს წარმატება რიგით მეორე სტუდიურმა ჩანაწერმა Hopeless Fountain Kingdom მოუტანა, რომელიც Billboard 200-ის სათავეში მოექცა. გრემის ნომინანტ შემსრულებელს კარიერის განმავლობაში ოთხი ალბომი აქვს გამოცემული.
