ნახეთ: კეტი პერი საკვების მიტანის სერვისის Menulog რეკლამაში

ფოტო: Edward Berthelot/GI

ამერიკელი პოპმომღერალი, კეტი პერი ავსტრალიური საკვების მიტანის სერვისის Menulog სარეკლამო ვიდეორგოლში მონაწილეობს.

“ცოტა სუში ფილმის ყურებისას, პაპაიას სალათი ბალადის სიმღერისას, ნაყინიც მინდა. უნდა გავუმასპინძლდე ამ კალიფორნიელ გოგოს”, – მღერის კალიფორნიელი მუსიკოსი.

სიმღერის მელოდია და ტექსტი პერიმ კრის პულისთან და შემოქმედებით სააგენტოსთან McCann London თანაავტორობით დაწერა. ვიდეოზე კი რეჟისორმა დეივ მეიერსმა იმუშავა, რომელმაც წარსულში მომღერლის კლიპები Swish Swish და Firework გადაიღო. ამასთან, აღსანიშნავია, რომ მუსიკოსის 2008 წლის ტრეკი Hot N Cold ავსტრალიური შოუს Masterchef მე-14 სეზონში გამოიყენეს.

კეტრინ ელიზაბეტ ჰადსონს, სასცენო სახელით Katy Perry, დღემდე 143 მილიონზე მეტი ჩანაწერი აქვს გაყიდული. მას განსაკუთრებული წარმატება სიმღერებმა Roar და Dark Horse მოუტანა, რომლებზეც გადაღებულმა ვიდეოკლიპებმა იუთუბზე რამდენიმე მილიარდი ნახვა დააგროვა. 2012 წელს არტისტმა დოკუმენტური, ავტობიოგრაფიული ფილმი Katy Perry: Part of Me გამოუშვა. 2015-ში კი მან Super Bowl-ის ფარგლებში გამართა პერფორმანსი. კეტის დღემდე ექვსი სტუდიური ალბომი აქვს გამოშვებული.

Share
Tweet
Share
Share
Share

წინა სტატია

ნახეთ: ბილი აილიშმა მანჩესტერში ახალი ბალადა TV შეასრულა

შემდეგი სტატია

ჯენიფერ ლოპესი: Super Bowl-ის შოუ მარტოს უნდა გამეკეთებინა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი