ფოსთ მელოუნს პირველი შვილი შეეძინა

ფოტო: Matt Winkelmeyer/GI for Coachella

ცნობილი ამერიკელი მუსიკოსი, ფოსთ მელოუნი რადიოსადგურის SiriusXM ეთერში ჰოუარდ სტერნის შოუს სტუმრობდა, სადაც გაამხილა, რომ შვილი შეეძინა და დაქორწინებასაც აპირებს.

მოუსმინეთ: ფოსთ მელოუნი ორ ახალ კომპოზიციას ავრცელებს

წამყვანმა არტისტს ჰკითხა, რომელ საათზე გაიღვიძა სტუდიაში წასასვლელად.

“ნაშუადღევს, 14:30 საათზე. ავდექი და ჩემს გოგონას ვაკოცე. შემდეგ წავედი და დავუკარი”, – უპასუხა ფოსთმა.
“გოგონას შეყვარებულს ეძახი?”, – ჰკითხა სტერნმა.
“არა, ჩემი ქალიშვილია. აქამდე არ გამიმხელია, რომ დაიბადა. რადგან მინდა, რომ თავის შესახებ გადაწყვეტილებები თავად მიიღოს”, – აღნიშნა არტისტმა.

წამყვანი დაინტერესდა, მისი შვილის დედა შეყვარებულია თუ ცოლი – “საცოლეა”, – მიუგო ფოსთმა.

“ბილბორდმა” გასულ თვეს გაავრცელა ინფორმაცია, რომ შემსრულებელი შვილს ელოდებოდა. ტაბლოიდმა TMZ-მ კი, რომელმაც პირველმა აცნობა ეს ამბავი მკითხველს, დაწერა, რომ სასიამოვნო სიახლე წყვილმა ვიწრო წრეში სამხრეთ კალიფორნიაში აღნიშნა. ჯერჯერობით უცნობია, როდის დაიბადა ბავშვი და რა ჰქვია მას.

ახლახან პლატფორმა Apple Music-ზე ზეინ ლოუის გადაცემაში ფოსთმა განაცხადა, რომ მამობაზე ყოველთვის ოცნებობდა.

“ბავშვობაში ეს ყველაზე მაგარი რამ მეგონა. თოჯინა მქონდა, რომელსაც ყველგან დავათრევდი. დედაჩემი მას დღემდე ინახავს. ზეინ, ძალიან მიხარია ვარ, რომ მამა გავხდები”, – აღნიშნა მუსიკოსმა.

ოსტინ რიჩარდ პოსტმა მუსიკალური მოღვაწეობა 2013 წელს დაიწყო. ფსევდონიმი Post Malone მას რეპერის სახელის ონლაინ გენერატორმა შესთავაზა. არტისტისთვის წარმატების მომტანი აღმოჩნდა 2015 წლის ჰიტი White Iverson, რომელიც ბილბორდის ცხელ ასეულში მე-14 ადგილზე გავიდა. ამის შემდეგ მან გავლენიან ლეიბლ Republic Records-თან გააფორმა კონტრაქტი. 2016 წელს შემსრულებელმა სადებიუტო ალბომი Stoney გამოუშვა, რომელშიც ბრილიანტის სტატუსის მქონე სინგლი Congratulations შევიდა. ფოსთის მომდევნო ორმა სტუდიურმა ჩანაწერმა Beerbongs & Bentleys და Hollywood’s Bleeding ჩარტ Billboard 200-ში პირველი ადგილი დაიმსახურა. არტისტს დღემდე მსოფლიოში 80 მილიონი ჩანაწერი აქვს გაყიდული. მისი შემოქმედება პოპის, ჰიპ ჰოპის, არენბისა და თრეფის სინთეზია.

Share
Tweet
Share
Share
Share

წინა სტატია

სტინგი ლას ვეგასის რეზიდენტი იქნება

შემდეგი სტატია

მიკ ჯაგერს COVID-19-ის გამო ამსტერდამში კონცერტის გაუქმება მოუწია

შეიძლება დაგაინტერესოთ

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი
LUA - ართვორქი: ზუკა სიმონიშვილი

LUA-ს ახალი სიმღერა Concentrate

„ჩემი შთაგონება ჩემივე განუხორციელებელი ფანტაზია იყო - ჩავჯდე მანქანაში და წავიდე სადღაც დიდი ხნით.“
მეტი