ნახეთ: ჰარი სტაილზი ფილმის My Policeman თრეილერში

ფოტო: Amazon Prime/My Policeman

პლატფორმა Amazon Prime-მა ინგლისელი მომღერლის, ჰარი სტაილზის მონაწილეობით გადაღებული ფილმის My Policeman პირველი თრეილერი გამოაქვეყნა. კინოსურათი ბეთან რობერტსის ამავე სახელწოდების ნოველას ეფუძნება, რომელიც მოგვითხრობს დაქორწინებული, ფარულად გეი პოლიციელის, სახელად ტომის შესახებ. მას 28 წლის პოპვარსკვლავი ასახიერებს. მოვლენები 1950-იან წლებში ვითარდება.

ნახეთ: ჰარი სტაილზი პროექტში The First Take სიმღერას Boyfriends ასრულებს

თრეილერში სტაილზის პერსონაჟი ნახატს უყურებს, რომელზეც ტალღებია გამოსახული. მას გვერდზე მამაკაცი, სახელად პატრიკი უდგას, რომელთანაც მოგვიანებით ურთიერთობას დაიწყებს.

“რა შეგრძნებებს აღგიძრავს ეს ნახატი”, – პატრიკი ეკითხება ტომს.
“შეგიძლია, შეიგრძნო ტალღები, როგორი ძლიერია ისინი”, – ასეთია პასუხი. 

ამის შემდეგ კადრებში ტომი და მისი ცოლი მერიონი ჩნდებიან, რომლის როლსაც მსახიობი ემა კორინი ასრულებს.

ფილმი კინოგაქირავებაში 21 ოქტომბერს ჩაეშვება, “ამაზონ პრაიმზე” კი 4 ნოემბერს გამოჩნდება. ეს პირველი შემთხვევა იქნება, როდესაც ჰარი სტაილზი მთავარ როლს შეასრულებს. ბოლოს მან ქრისტოფერ ნოლანის Dunkirk-ში მიიღო მონაწილეობა. მომღერალი მიმდინარე წლის სექტემბერში აგრეთვე ოლივია უაილდის ფსიქოლოგიურ თრილერში Don’t Worry Darling ითამაშებს.

თრეილერთან ერთად პრომოუშენის ფარგლებში ფილმის My Policeman პოსტერიც გამოქვეყნდა.


მუსიკოსი ფართო საზოგადოებამ 2010 წელს ბოიბენდში One Direction მოღვაწეობით გაიცნო. 2017 წელს მან სადებიუტო სტუდიური ალბომი Harry Styles გამოუშვა, რომელსაც Billboard 200-ის ჩარტში პირველი ადგილი ერგო. 2019 წელს იგივე შედეგი ჰარის მეორე ნამუშევარმა Fine Line გაიმეორა. 2021 წელს არტისტმა სიმღერით Watermelon Sugar გრემიზე საუკეთესო პოპ სოლო შესრულების ნომინაციაში გაიმარჯვა. აღსანიშნავია, რომ სტაილზი პირველი მამაკაცია, რომელიც ჟურნალ Vogue-ის ყდაზე მარტო დაბეჭდეს.

Share
Tweet
Share
Share
Share

წინა სტატია

ლედი გაგას კლიპის Poker Face ნახვებმა მილიარდს გადააჭარბა

შემდეგი სტატია

ნახეთ: კელი კლარკსონმა ბრიტნი სპირსის Womanizer იმღერა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

არიანა გრანდეს ბებია ყველაზე ასაკოვანი ადამიანია, რომელიც Billboard Hot 100-ის მუსიკალურ ჩარტში მოხვდა

98 წლის ნონნა ჩარტში წარმოდგენილია 55-ე ადგილზე სიმღერით Ordinary Things, რომელიც არიანა გრანდეს ახალ ალბომშია შესული.
მეტი

„ეს არ არის ქანთრი ალბომი, ეს ბიონსეს ალბომია” – ბიონსემ დაანონსებული ალბომის ყდა წარადგინა

ყდის გამოქვეყნება რამდენიმე დღით წინ უსწრებს ალბომის გამოცემას. Cowboy Carter 29 მარტს გამოვა.
მეტი